Ushbu jahon chempionatiga puxta tayyorgarlik ko'rayotgan o'smirlar terma jamoamiz a'zolarining qur'adan keyingi fikrlarini bilish maqsadida, dastlab darvozabon Shoxruh Eshbo'taevga murojaat qildik.
- Shoxruh, kecha Abu-Dabi shahrida bo'lib o'tgan qur'a natijalaridan xabardor bo'lsangiz kerak. Aytingchi, O'zbekiston U-17 o'smirlar terma jamoasi o'rin olgan “S” guruhidan ko'ngilingiz to'ldimi?
- Bu borada raqiblar to'g'risida hozircha bir tayinli fikr bildirish qiyin. Sababi bizning yoshdagi terma jamoalar xususida ma'lumotlar kam. Qolaversa 17 yoshlilar o'rtasidagi terma jamoalarning nomi musobaqada hech nimani hal eta olmaydi. Shuning uchun JCHda bir qator terma jamoalar kutilmaganda, kashfiyot bo'lishi ham hech gap emas.
- Shaxsan siz qaysi raqib bilan bitta guruhda bo'lishlikni xohlagandingiz?
- Braziliya o'smirlar terma jamoasining guruhimizdan joy olishini istagandim.
- Xorvatiya, Marokash va Panama. Bulardan qaysi birini guruh favoriti deyish mumkin?
- Raqiblarimizning barchasi teng kuchga ega, yaxshi jamoalar.
Islombek Rustambekov yozib oldi.