Ўйиндан сўнг қишки трансферлар ойнасида жамоага келиб қўшилган ярим ҳимоячи Шаҳбоз Умаровга бир нечта саволлар билан юзландик.
“Оренбург” билан ўйнадик, яхши ўйин бўлди. Жисмоний ҳолатимизни текширишни мақсад қилган эдик. Назорат ўйинларида мураббийлар натижа муҳим эмаслигини, футболчилар бир-бирларини тушаниб олишлари, ўйинни тиклаш кераклигини айтишди”,- дейди Шаҳбоз Умаров.
- Беш йиллик танаффусдан сўнг Ўзбекистонга қайтдингиз. Бу вақтда Беларусь ва Қозоғистон клублари билан совринларга эга чиқдингиз. Қайтиш қандай бўлди?
- Қайтганимдан хурсандман. Қозоғистон чемпионатида тўп тепдим. Ўзбекистон Суперлигасида ўзимни кўрсатишга иштиёқ юқори эди. Ҳамма Қозоғистон чемпионатини кучсиз дейди, уларга ўзимни кўрсатмоқчиман.
- “Қайрат” ЕЧЛда ўйнади. Демак, Қозоғистон чемпионати кучсиз эмас...
- Кўпчилик солиштиради. Бирор нарса ютсангиз кучсиз лига деб баҳолашади. Шунинг учун ўз даражамни кўрсатишга ҳаракат қиламан.
- “Бунёдкор”га ўтишингиз қандай юз берди?
- Бошқа жамоалардан ҳам таклифлар бор эди. Лекин “Бунёдкор”га ўтишга қарор қилдим. Илёс Зейтуллаев билан гаплашдим, менга ишонч билдирди.
- Учта лигада тўп тепгансиз. Қозоғистон ва Беларусь чемпионати ўсяптими?
- Беларусь чемпионатини билмадим, лекиАн Қозоғистон ўсди.
- Аввалги жамоаларингиз БАТЭ, “Энергетик- БГУ”ни кузатяпсизми?
- Кузатмай қўйдим, чунки 2-3 йилда чемпионат кучсизланди. Ҳусанов ҳам кетиб қолди. Кузатадиган одамларим Абдуқодир ва Бобир эди. Ҳусанов билан битта жойда турганмиз
- Бу йилги чемпионатдан нима кутяпсиз?
- Ўзбекистонда деярли ўйнамаганман. Қандайдир нарса кутмаяпман. Лекин ўзимни кўрсатишга ҳаракат қиламан.
