UZ

Сўнгги янгиликлар

00:44Иван Соловьёв: “Легионер маҳаллий футболчидан устун бўлиши керак”  1 00:41Англия лига кубоги. "Манчестер Сити" - "Манчестер Юнайтед" 0:0 (матнли трансляция)  5 00:27"Астон Вилла" Старриж билан музокара ўтказмоқда  0 00:11Испания кубоги. "Сарагоса" – "Реал". Жамоаларнинг бошланғич таркиблари маълум бўлди  14 00:09Англия лига кубоги. Манчестер дербисини бошланғич таркибда бошлайдиган футболчилар билан танишинг   10 00:05АПЛ. "Вест Хэм" – "Ливерпуль". Асосий таркиблар маълум бўлди  16 23:58Италия кубоги. "Интер" – "Фиорентина". Асосий таркиблар маълум  3 23:33Роналду Виейра Англияга қайтиши кутилмоқда  2 23:18Пирлонинг ўғли ПСЖга ўтиши мумкин  1 23:05Нзонзи "Рома"ни тарк этиши мумкин  0 22:55БАА. Отабек Шукуров гол урган ўйинда "Ал-Шаржа" аутсайдерга мағлуб бўлди  17 22:48Ўзбекистон U-14 терма жамоаси пойтахтимизда йиғин ўтказмоқда  2 22:32Фарғона вилояти ҳокими кубоги. Тўртинчи кун. "Истиқлол"да ғалаба, "Нефтчи" - "Андижон" баҳсида дуранг  5 22:24Алишер Абдувоҳидов: "Тўпурар бўлмоқчиман"  1 22:23Испания кубоги. "Валенсия" ва "Вильярреал"нинг асосий таркиби маълум бўлди  0

Шаҳбоз Эркинов: “ПФЛ туфайли "Бухоро" ўтган йилги пулларимни берди" Янгиликлар

Шаҳбоз Эркинов: “ПФЛ туфайли "Бухоро" ўтган йилги пулларимни берди"

Ҳозирга келиб бир қатор футболчилар шартнома шартларини бажармаган клублар билан зиддиятга бориши ҳолатлари учрамоқда.

Футболчиларнинг ўз пулларини ола олмаётгани ва шартнома шартларини бажармаётган клублар бунга бефарқ қараётгани ҳам ҳақиқат.

Профессионал Футбол Лигаси ҳозирга келиб, футболчилар ва клублар ўртасида бундай низоли ва зиддиятли вазиятлар учрамаслиги учун бир қатор ишларни амалга оширмоқда. Жумладан, клублар шартнома шартларини бажармай, футболчилар олдидаги қарзни узмай, янги мавсумга футболчиларни заявкадан ўтказа олмайди. Шунингдек, бундай ҳолат яна қайтарилмаслиги учун клубларга янги, барча бандлар кўрсатилиши шарт бўлган шартнома тақдим этилди. Бунга кўра, эндиликда футболчилар билан шартномада барчаси кўрсатилади, мукофот пуллари ва маошлар суммаси, уларнинг муддатлари кўрсатилади.

Ҳозирга келиб, Профессионал Футбол Лигаси шартнома шартларини бажармаётган клублар билан футболчилар ўртасидаги низоларни ҳал қилишга ҳаракат қилмоқда. Жумладан, “Бухоро” футбол клубида фаолият кўрсатган футболчилар шартнома шартларини бажармаган клуб юзасидан ПФЛга вазиятни ижобий ҳал қилиш учун мурожаат қилишган.



Футболчиларнинг мақоми ва клубдан клубга ўтиши бўйича Қўмита ушбу мурожаатни кўриб чиқиб, клубнинг футболчилар олдидаги қарздорлиги масаласида қарор қабул қилди. Унга кўра, шартнома шартларини муддатида бажармаган клуб қаттиқ огоҳлантирилди ва қарзлар тўлиқ ундириб берилди. Клуб сафида ўйнаган 8 нафар футболчи бугунга кунга келиб барча пулларини олишди. Жумладан, Шаҳбоз Эркинов клуб қарздорликни бартараф этганини ва маошларини олганини таъкидлади.

“Клуб олдинги мавсум учун маошларимни берди. Бунгача анча вақт клуб мендан ва бошқа футболчилар олдидаги қарздорликни бартараф қилмай, маошларни ва мукофот пулларини бермай келаётганди. Якунда шикоят қилишга мажбур бўлдик”, - дейди Эркинов.

“ПФЛ ушбу шикоятни кўриб чиқди ва якунда қарзлар бартараф этилди. Бунинг учун албатта, Профессионал Футбол Лигасига рахмат айтаман. Улар ўз вақтида мурожаатимизни кўриб чиқишди ва қарзлар якунда “Бухоро”дан олиб берилди. Ҳозирда, ПФЛда анча ислоҳотлар қилинди, бундан биз футболчилар ҳам, клублар ҳам, мухлислар ҳам ютади. Бундай шикоятлар ва аризалар келгусида қайтарилиши футболимиз имижи учун салбий ҳолат. Шунинг учун ҳам ПФЛ бу борада клублар раҳбарлари ва футболчилар билан суҳбатлашаяпти. Келгусида бундай низолар келиб чиқмаслиги муҳим”, - дейди футболчи.

Рейтинг: -9   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг