O'yin haqida

"Ilk navbatda "Neftchi" klubini g'alaba bilan tabriklayman. O'ylashimcha, ular g'alabaga munosib edi. Dastlabki 30 daqiqa davomida biz yaxshi o'yin namoyish etdik, to'pga egalik qilishda qoniqarli harakat qildik. Yigitlar ham murabbiylar shtabining ko'rsatmalarini bajarishdi. Undan keyin esa nima sodir bo'lganini bilmayman. Ko'plab xatolarga yo'l qo'ydik. Klub bu davr mobaynida qandaydir baxtsizlikka yo'liqdi va ko'ngilsiz vaziyatlar ichida qoldi. Buning boshlanishiga o'zingizga ma'lum, Kaxa (Maxaradze) bilan bog'liq vaziyat ham mansub. Menimcha, qizil kartochka olishimiz bemanilikday tuyuldi. O'sha vaziyatda to'pni shunchaki tepib yuborish mumkin edi, lekin bizning futbolchi to'pni o'ziga bo'ysindirishga harakat qildi, keyin esa to'pni oldirib qo'ydi. O'ylashimcha, bu ko'ngilsiz xodisa. Buni qanday tushuntirishni ham bilmayman, lekin ketma-ket ko'ngilsiz xodisalar sodir bo'lmoqda. Shu bois, bu jihatdan yigitlarga shikoyatim yo'q. O'lar 100% o'z imkoniyatlarini ishga soldi. Hatto qizil kartochka olib, bir kishi kam bo'lib qolganimizda ham kiyinish xonasida ularning g'alabani xohlayotgani, bu chuqurlikdan chiqib ketishni istayotgani ko'rinib turgandi. Shu bois, biz o'n kishi bo'lib ham yaxshi harakat qila oldik deb o'ylayman. Avvaliga biz yaxshi o'ynayotgandik, keyinchalik biz o'z kuchimizni saqlab qola olmadik. Bizni qo'llab-quvvatlash uchun tashrif buyurgan muxlislarga minnatdorchilik bildiraman. Lekin biz qo'ldan kelgancha olg'a borishda davom etamiz. Men bosh murabbiy sifatida taslim bo'mayman. Turli vaziyatlarga duch kelamiz, lekin hech kim taslim bo'lishni istamaydi. Biz oldinga qarab intilamiz va barchasini isbotlaymiz. Biz zulmatni engib o'tib, yorug'likning boshlanishiga etamiz. Umid qilamanki, mening bunga kuchim etadi", dedi "Lokomotiv" ustozi.

Server Jeparov: "Zulmatni engib o'tib, yorug'lik sari etamiz"