Kunning eng qiziqarli o'yinlaridan biri Olmaliqdagi “OKMK” stadionida kechadi. Unda mamlakatimizning amaldagi chempioni – “Lokomotiv” AGMK jamoasi mehmoni bo'ladi.
Mazkur o'yin oldidan “temiryo'lchilar” jamoasi yetakchilaridan biri Sardor Rashidov klub rasmiy saytiga o'z fikrlarini bildirib o'tdi:
– AGMK bilan o'yinga jamoamiz jiddiy tayyorgarlik olib bordi. Zero bugungi o'yinda g'alaba bizga suv va havodek zarur. Shu sababli ham “Lokomotiv” maydonga faqat 3 ochkoni ko'zlagan holda chiqadi. Milliy terma jamoa yig'inidan so'ng “Loko” mashg'ulotlariga qaytib keldik va o'yinga imkon qadar yaxshi tayyorlanishga urindik. Umid qilamanki, bugun o'z muxlislarimizga chiroyli g'alaba taqdim qila olamiz, – dedi mahoratli futbolchi.
Ta'kidlab o'tamiz, AGMK – “Lokomotiv” o'yini soat 18:00da start oladi.
