Рио Фердинанд: “Роналду ҳамон чўққида...”

“Роналду ҳозир 34 ёшда ва у ҳали ҳамон футбол чўққисининг энг юқорисида. У сўнгги 10 йилликда дунёнинг иккита энг яхши футболчисидан бири. Криштиану дунёдаги мен билган машҳур футболчилар орасида ўз жамоасига эга илк футболчи.

Кунлардан бир кун мен унинг уйига борганимда меҳмонхонада 10 га яқин инсонларни учратдим. Мен ундан бу одамлар кимлиги ва нималар билан банд эканлиги ҳақида сўрадим. У “бу менинг бош ошпазим, бу эса физиотерапевт, бу шифокор, буниси эса персонал мураббийим” дея жавоб қайтарди.

У дунёнинг энг кучли футболчиси сифатида МЮни тарк этди. Криштиану тўғри   йўлдан кетаётганди. Криштиану ва Леброн Жеймс ўз жамоасини йиғиш учун катта пул сарфлашди. Роналду ҳар томонлама етук футболчига айланди ва ҳозир ҳам юксак савияда ўйин намойиш этмоқда.

Агар  ёш футболчилар мендан маслаҳат сўрашса, мен уларга агар молиявий жиҳатдан яхши имкониятларга эга бўлсангиз,  Роналду сингари ўзингиз учун шахсий жамоа тузишни маслаҳат берган бўлардим”, дейди Фердинанд.