Мураббий Карло Анчелотти жамоаси муддатидан олдин чемпионга айланди.
Аммо, "Реал" "Бавария"га қарши Чемпионлар лигаси ярим финал жавоб ўйинига тайёргарлик сабаб 36-чемпионлик титулини нишонламаганди. "Реал" кеча меҳмонда "Гранада" (4:0)ни мағлуб этди ва Сегундага тушиб кетадиган жамоа майдонида совринни олишни истамади.
Ғолибликни нишонлаш бугун Мадриддаги "Сибелес" фонтанида бўлиб ўтади, "қаймоқранглилар" у ерда анъанавий равишда ўз ғалабаларини нишонлашади.
Испания қироллик футбол федерацияси "Реал"га клуб базасида чемпионлик титулини топширди – RFEF президенти Педро Роча уни жамоа сардори Начо Фернандесга топширди.
