"Реал" Салоҳ учун 150 миллион евро тўлашга тайёр

Яқинда икки инсон билан суҳбатлашиб ўтирганимда қизиқ ҳолатга дуч келдим. Бир танишимнинг отаси ёшлигида вафот этган, иккинчи танишимники яқинда — ёшини яшаб, қария ҳолида оламдан кўз юмган эди. Иккиси ўз отасини эслаб, ўзлари учун нурли даврларни ёдга олган бўлишди. Аммо мен уларнинг хотираларида фарқли жиҳатларни кузатдим: Отасини ёшлигида йўқотган танишим алоҳида ҳодисаларни ёдга олар, иккинчи танишим бирор бир ҳодисани эмас, отасининг ҳаётини умумий суратда тасвирларди. Ўйлашимча, отаси билан узоқ яшаган, падари бузрукворининг дийдорига тўйган фарзанд ҳодисалар йўқлигидан эмас, ҳодисалар кўплигидан уларга тўхталмас, умр бўйи кўриб юрган отаси ҳақида гапириб қўя қоларди.

Кеча Леонель Месси ҳэт-трик муаллифига айланди, учта голининг ҳаммаси шедеврлар туркумидан жой олди. Айниқса, охирги парашют голи таърифга эҳтиёж сезмайди. Жаримадан киритан голи ҳам.

Эрталаб туриб ижтимоий тармоқни кузатадиган одатим бор (асосан, Твиттер), ана шу учта гол борасида жиддий бир эйфория кузатмадим. Бир-икки «Барса» ишқибозларидан твитлар ўқиган бўлдим. Ўзим Мессини алқаб бир твит ёздим:

«Мессининг ҳэт-триги бошқаларнинг ҳэт-трикларидан ичида камида иккита шедеври бўлиши билан ажралиб туради. Даҳшат, лекин одатий ҳол...»

Салдан кейин Қаҳрамон Асланов шунга ўхшаш фикр қолдирди:

«Агар Мессининг кечаги голларини бошқа исталган ўйинчи, ҳатто Криштиану урган бўлганда ҳам, даҳшат деб баҳоланиб, тинмай айланаётган бўларди. Месси учун оддий ҳол».

Икки одамнинг бир мавзуга эътибор қаратишида жон бордек эди. Ростдан ҳам, Мессининг ҳэт-трикларига, чиройли голларига, жаримадан йўлланаётган аниқ зарбаларига кўникиб, ўрганиб бўлдик. Лео бизни ҳайратлантира олмаяпти энди. Ҳар ҳафта «Барселона» иштирокидаги ўйиндан сўнг аргентиналик юлдузнинг қандайдир рекордни ургани ҳақидаги қайтариқ хабарларидан ҳам олам зерикиб кетди.

Роналду ўтган ҳафта «Атлетико» дарвозасига уч гол йўллаб, жамоасини чорак финалга олиб чиқди. Криштиану ҳақида олам етарлича ёзди. Тўғри, кечаги «Бетис»нинг ўйини билан ЕЧЛ ўйини фарқли, аммо ишонаверинг, агар Лео шунақа голларини апрелда, «МЮ» дарвозасига урса ҳам, бу қадар алқанмасди. Чунки ўша куни Мессининг голлари унинг ҳаракатларидан ажралиб чиқмас, бутун бошли ўйинининг мантиқий якуни ҳисобланган бўларди.

Роналду билан Месси кўп масалада бир хил натижа қайд этган ва ҳатто баъзи ўринларда португалиялик юлдуз рақобатчисини ортда қолдираётган бўлса-да, Леонинг даражасини келажакда бошқачароқ эслаймиз, деб ўйлайман. Роналдуни эслаганимизда ҳодисалар билан, қай бир ўйинлар билан, унда Кришнинг бир ўзи халоскор бўлгани билан ёдга олсак керак. Мессини эса, фақат ўйини билан, ҳаракатлари, сеҳргарлиги билан. Голлари сони Роналдуникига ўхшаш, аммо Мессида голеадорликдан ташқари бошқа бир ўзгачалик — Мессилик хусусияти бордек. Жанубий америкалик иқтидор эгаси бизга ўзидан кейин ҳодисаларни эмас, бутун бошли футбол умрини ташлаб кетаётгандек чамамда.

Очиғи, мен бугун Мессининг ўйинини томоша қилишдан бир завқлансам, икки карра завқим — йиллар ўтиб, уни эслаганимда уйғонади, бунга ишончим комил. Чунки ҳодисалардан-да юқорига чиқиб кетган футбол ҳаётини эслаш нималигини фақат отамнинг ривоятларида эшитгандим, у ҳам бўлса битта футболчини хотирлаганда — Пелени. Ваҳоланки, унинг ёқимтой юлдузи Кройфф эди. Мен ҳолланд афсунгари ҳақида ҳодисаларни биламан фақат.

Ҳозир ўйлаб қолдим: ўзим ҳам фарзандларимга Бажжо, Зидан ва ҳатто Марадона ҳақида ҳикоя қилганимда, уларнинг қай бир ўйинларини, хатти-ҳаракатларини эслаб ўтган эканман. Ўйлаб қарасам, бутун бошли футбол умрини ҳикоя қиларли даражадаги афсона мен кўрган юлдузлар ичида бўлмаган экан. Энди отам билан бу масалада ўхшашлигимиз бор.

Марадона мени кечирсин...

Хайрулла ҲАМИДОВ

Shedevr..! Xa Xayrullo Xamidov barcha futbolchilar xaqida juda chiroyli videolari bor, Luis Ronaldo, C.Ronaldu, Raul, Ronaldinyo, va Messi xam shular jumlasidan.

Хайрулло Хамидов биринчи навбатда журналист шу жихатдан олиб карасак бу макола ва у факат бир футболчи хакида! Демакки уша футболчи маколада биринчи планга чикади! Уларни бошка футболчиларни хам худди шундай кукларга кутариб ёзган маколалари хам бор! Манимча бу ерда гап маколага холис укувчи сифатида карашда!!! Сизга хам маслахат сиз уша узиз айтган ИНТЕРНЕТни карасез Х.Хамидовнинг бошка футболчиларни хам узига хос жихатларини койиллатиб мактаган курсатувлари видеосини куринг(факат курсатувни номи эсимда йук узр!)

Утма салох дарахт бир жойда кукаради

Клопп ёзда ҳеч қайси асосий ўйинчи сотилмаслигини айтди, все қогани қуруқ сафсата.

Saloh hech qachon realga o'tmaydi.

Миржалолни ҳам ўзимизда ҳали кўп эслашади, ўзбекни тирик афсонасини ҳали қадрига етишмаяпти. Чакка, лекин четдаги Месси-ю ёки Роналдудан Миржалолни ўзбек футболида жуда катта хисса қўшган. Уни ўйинини жонли кўрганлар билади!

Бизни Мессимиз, Роналдумиз, Марадона-ю Зиданимиз МИРЖАЛОЛ!!!

Ҳали ҳам Миржалолдек ўйинчи чиқмаганлиги мени ачинтиради.

Марадона сени кечириши мумкину лекин мен сени калтафахимлигини тушунолмайман Хайрулло Ҳамидов Биз хозир интернет ривожланиб кетган 21 асрда яшаяпмиз эслаш шарт эмас интернетга кирсан Ранолдуни туғилганидан хозирги кунгача барча ўйинларини мириқиб томаша қилиб оласан. Shamsidin Boltabayev айтганидек бошқа футболчиларни ўйинини хам. Қолганларга хам маслахатим шу

Якиндан бери ..... Суарес кетди, Стерлинг кетди, Коутиньо кетди.... Сен кераксан... Кетма Салах

Utmasa kerak.klop utsa utishi mumkin edi.

Tugab bulgan neftchi muhlisi nimalar deb valdirayapsan? O'zingcha aqllimisan?!

Asensio zaxira futbolchisi asensioni raqib charchaganda tushursa zor oynidi asosiy tarkibda tushsa maqtagulik oyini chiqmayapti

Leroy Saneni olish kerak edi yosh mehnatkash yaxshi oyinchi

Hech sezganmisla grand jamoalar faqat pishib yetilgan futbolchilani sotib oladi. O'zlarining futbol akademiyasidan unchalik ko'p futbolchilar chiqmidi. Bavariya,Real,Barsa,PSG,ManCity,Juventus va boshqalar. Qimmat bo'sayam ularning maqsadi har qaysi chempionatda g'olib bo'lsih chempion maqsadi. shuning uchun bu klublar ko'p vaqtini yosh akademiklarni tarbiyalashga sarflamaydilar. Tayyor futbolchilani sotib oladi.

Қосимов яхши "савияли" футболчи ......... Сиз воллейбол кўрасизми ёки футбол. Бошқа тортишмайман, катта акалариз ёки футболни Миржалол ўйинларини кўрган отохонлардан сўранг кейин фикр билдиринг. Ҳақиқатдан ёш экансиз. Фақат ҳақоратдан ташқари ўзизни мақуллаб любой фикризни ёзаверинг. Лекин, комментизга энди жавоб бўлмайди, проста билмоқчи эдим ким мани фикримга коммент ёзганини.