"Реал" нурсиз дуранг қайд этган ҳолда пешқадам бўлиш имкониятини қўлдан бой берди

"Реал" - "Бетис" 0:0

"Сантьяго Бернабеу"

"Реал": Куртуа, Варан, Рамос, Карвахаль, Менди, Кроос, Модрич, Азар, Каземиро, Родриго, Бензема.

"Бетис": Роблес, Бартра, Эмерсон, Феддаль, Морено, Фекир, Гуардадо, Сидней, Каналес, Манди, Морон.

Реал Мадрид

Примера Дивизион . 12-тур 03/11/2019, 01:00 0 : 0 Тугади

Бетис

Стадион: Estadio Santiago Bernabeu, 70209 томошабин

Бош ҳакам: Jose Sanchez

45'

90'

8'  Эден Азар

39'  Каземиро

65'  Родриго (Винисиус Жуниор)

80'  Ферлан Менди

83'  Карим Бензема (Лука Йович)

11'  Марк Бартра

64'  Хоэль Роблес

74'  Лорен Морон (Борха Иглесиас)

74'  Зухаир Феддаль

85'  Андрес Гуардадо

90'  Алекс Морено (Антонио Барраган)

90'  Набиль Фекир (Исмаэль Гутьеррес)

Матч-центрда очиш

ЎЙИН ЯКУНЛАНДИ.

90+2. Уххх! "Бетис" жарима майдончаси ичида чалкашликлар рўй берди. Кетма-кет зарбалардан сўнг тўпни меҳмонлар ўйинчиси бир амаллаб майдондан чиқариб юборди.

90+1. Қандай қилиб! Винисиус Жуниорнинг чамаси 3 метрлардан берган зарбасини дарвозабон бартараф этди. Бразилиялик ўйинчи бу вазиятда жуда бўш ҳаракат қилди.

90. Бош ҳакам иккинчи бўлимга 5 дақиқа қўшиб берди.

88. Ҳозирги дақиқаларга келиб "Бетис" тўпга эгалик қилмоқда ва ҳужумлар уюштиришга ҳаракат қилмоқда.

84. Майдонга Лука Йович туширилди. У Карим Бенземани алмаштирди.

82. Хавфли вазият! "Бетис" ўйинчисининг узоқ масофадан берган зарбасидан сўнг Куртуа ажойиб сейв қайд этган ҳолда жамоасини муқаррар голдан сақлаб қолди.

80. Навбатдаги сариқ карточка қўполлиги учун Ферлан Мендига кўрсатилди.

78. "Қаймоқранглилар" ўйин сўнггига яқин яна фаоллашишмоқда ва кўпроқ ҳужумлар ташкил этмоқда, Аммо, меҳмонлар ҳозирча бехато ҳаракат қилишмоқда.

74. Сал олдинроқ қилган қўполлиги учун ҳакам ҳозир Феддалга сариқ карточка кўрсатди.

74. "Бетис"да ўзгариш: Морон ўрнига Иглесиас туширилди.

72. Тўпга эгалик қилиш бўйича ҳам устунлик "Реал" тарафида - 63%-37%

65. "Реал"да ўзгариш: Родриго ўрнига Винисиус туширилди.

64. Уххх! Ферлан Менди дарвозабон билан бир-бирга вазиятга чиқиб борди, аммо унинг зарбаси ноаниқ кетди.

61. Родриго жарима майдончаси ичида ҳисобни очиш учун ажойиб имкониятга эга бўлган эди. Аммо, Гоэснинг зарбаси "Бетис" ўйинчиларига тегиб майдонни тарк этди.

57. Дарвозага зарба бериш борасида "Бетис" футболчилари ҳам ёмон ҳаракат қилишмаятпи. Улар ҳозирга қадар 11та зарба беришди. "Реал" эса улардан битта кўп зарба беришган.

51. "Бетис" ўйинчиси Морено рақиб дарвозасини ишғол қилмоқчи эди, аммо Куртуа ишончли ҳаракат қилди.

49. Онлайн жадвалга қарайдиган бўлсак, "Реал" 22 очко жамғарган ҳолда "Барселона" билан биринчи ўринда бормоқда. "Бетис" эса жадвалнинг 14-ўрнига жойлашган.

46. Иккинчи бўлим бошланди!

ТАНАФФУС

46. Биринчи бўлимга ҳакам томонидан 1 дақиқа қўшиб берилди.

44. "Реал" анча хавфли ҳужум ташкил этди. Бенземанинг Рамосга оширган тўпини испаниялик футболчи дарвоза томон йўллади. Аммо, Роблес сейв ижро этди.

39. Ўйиндаги илк сариқ карточка Каземирога кўрсатилди. У Набиль Фекирга қарши қўполлик ишлатган эди.

36. Карвахаль дарвозага яқин турган Бенземага тўпни оширди. Аммо, тажрибали ҳужумчи тўпга ноқулай вазиятда зарба берди.

34. Бу эса Эден Азар оффсайдда қолиб кетган ва шундан сўнг гол урган вазият. Аммо, бу гол бекор қилинди.

27. Ўйин сал тенглашгандек таасурот уйғонмоқда. "Бетис" ҳам ҳужумлар ташкил этмоқда.

22. "Бетис" илк бор зарба берди. Набиль Фекирнинг жарима майдончаси ичида Куртуа дарвозаси томон берган зарбасига бироз аниқлик етишмади.

19. Дарвозага зарба бериш бўйича устунлик "Реал" тарафида: 4-0

15. "Реал" ҳужумларга зўр бермоқда. Меҳмонлар эса ҳимояга кўпроқ урғу берган ҳолда ўйнашмоқда.

10. Йўқ, йўқ, йўқ! Азар ўйиндан ташқари ҳолатда қолиб кетган эди. Ҳакам VARдан сўнг гол оффсайддан киритилганини эътироф этди.

8. ГОООООООЛ!! Эден Азар жарима майдончаси ичида бир ҳимоячини чалғитиб дарвозани ишғол қилди.

7. Хавфли вазият! Бензема деярли дарвозабон билан бирга-бир вазиятга чиқиб кетди, аммо франциялик футболчининг мукаммал бўлмаган зарбасини меҳмонлар дарвозабони қайтариб юборди.

5. Ўйин кутилганидек майдон эгаларининг ҳужумлари билан бошланди. "Қироллик клуби" ўйинчилари илк дақиқаларданоқ устунликни қўлга олишга ҳаракат қилишмоқда.

1. Ўйин бошланди!

- Ассалому алайкум "Championat.asia" кузатувчилари. Бироздан сўнг бошланадиган Ла Лига 12-тур доирасидаги "Реал" ва "Бетис" жамоалари ўртасидаги ўйинни биргаликда кузатиб борамиз.