UZ

Сўнгги янгиликлар

18:24"Ал Иттиҳод" АПЛдаги ўйинчи учун 51 млн фунт тўлайди  0 17:58"Ливерпуль" икки футболчи учун 105 млн фунт сарфлашга тайёр  1 17:14"Атлетико" Лунинни "Реал"дан 15 млн еврога харид қилишга тайёр эди  0 16:32"Манчестер Юнайтед" де Лигт учун "Бавария"га 45 млн фунт таклиф қилади  1 16:02"Ливерпуль" Саудия Арабистони клублари учун ван Дейкка нарх қўйди  1 15:38"Барселона" де Йонг билан шартномани узайтирмоқчи  4 15:10Улуғбек Ҳошимов: "Ўзим катта бўлган жамоага қайтиш ёқимли. "Пахтакор" билан катта ютуқларга эришишни мақсад қилганман"  3 14:33"Ал Иттиҳод" Эдерсонни харид қилишга уриниб кўради, "Ман Сити" 50-60 млн евро хоҳламоқда  0 13:47"Астон Вилла" "Барселона" собиқ ўйинчисини сотишга тайёр  0 13:20"Манчестер Юнайтед" Маунтни сотишга тайёр  3 12:55ПСЖ йирик трансферга қўл уришга яқин  1 12:39Қирғизистон футзал терма жамоаси бош мураббийи: "Ўзимиз йўл қўйган хатоларимиз сабабли мағлуб бўлдик. Осиё кубогида Японияни мағлуб этганимиздан сўнг босимни ҳис қилдик"  1 12:17"Барселона" Уильямснинг товон пулини фаоллаштиришга тайёр  1 11:48Феликс "Бенфика"га қайтиши мумкин?!  0 11:20"Реал" ўйинчилари ва ходимлари Мбаппенинг ўзини тутишидан ҳайрон  7

Равшан Эрматов: «Наҳотки тажрибали мураббий қоидани билмаса?» Янгиликлар

Равшан Эрматов: «Наҳотки тажрибали мураббий қоидани билмаса?»

Олий лига биринчи даврасининг энг марказий учрашуви кеча Тошкентдаги "Жар" стадионида бўлиб ўтди.

иккала бўлимда дарвозалар томон белгиланган биттадан пенальти учрашувнинг дуранг билан интиҳо топишига сабаб бўлди. Ўйиндан кейинги матбуот анжуманида иштирок этган "Бунёдкор" мураббийи Мурод Отажонов жамоасининг муҳим ўйинда 2 очко йўқотганини ҳакамнинг хатоси билан изоҳлади. Унинг фикрича, ўйин бош ҳаками Равшан Эрматов ўйиннинг сўнгги дақиқаларида "Локомотив" дарвозаси томон пенальти белгилаши керак эди.

"Бунёдкор" футболчиси жарима майдончаси ташқарисидан тепган тўп "Локомотив" ҳимоячисининг қўлига теккан вазиятда пенальти бормиди? Нима учун пенальти белгиланмади? Ушбу ҳолат бўйича ўйинни бошқариб борган ҳакамнинг фикрини билиш мақсадида Равшан Эрматовга мурожаат қилдик.

"Бугунги кунда ҳаттоки мухлислар ҳам яхши биладиган қўл билан боғлиқ бўлган футбол қоидасини наҳотки юқори савияли мутахассис Мурод Отажонов билмаса? “Бунёдкор” мураббийи эътироз билдирган вазиятга эътибор қаратадиган бўлсак, биринчидан, зарба берилаётган пайтда "Локомотив" футболчиси тескари қараб турганди ва у тўпни кўрмади. Иккинчидан, футболчининг қўли табиий ҳолатда эди. Ва энг асосийси, ўйинчи атайлаб қўли билан тўпга ўйнамади, аксинча тўп кучли зарба оқибатида яқин масофадан унинг қўлига келиб тегди. Бундай ҳолатда нафақат пенальти, балки майдоннинг бошқа жойларида ҳам жарима зарбасини белгилаш нотўғри бўлади.

Мен ҳам оддий инсонман. Албатта, менда ҳам хато-камчиликлар бўлиб туради. Лекин мен қилган хатоларимда бировни айбдор қилмайман. Хатоларимни ўрганиб чиқиб, машғулотларда уларнинг устида ишлаб, кейинги ўйинларда бу хатоларни такрорламасликка ҳаракат қиламан. Афсуски, баъзи бир мураббийларга ўйин давомида тактика ва таркиб билан боғлиқ хатоларни тан олиш учун мардлик етишмайди ва айбни ўзидан қидирмасдан, четдан ахтаришга ҳаракат қилади”, дейди ФИФА рефериси Равшан Эрматов.

Олимхўжа Бўронов суҳбатлашди

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика