Расман: Одил Ҳамробеков – "Шабаб Ал Аҳли" аъзоси
05 мар 2021 15:44
Янгиликлар

Расман: Одил Ҳамробеков – "Шабаб Ал Аҳли" аъзоси

"Шабаб Ал Аҳли" жамоасида ўйнаётган ўзбекистонлик футболчилар сони яна биттага кўпайди.

Ҳамюртларимиз Азиз Ғаниев ва Жалолиддин Машарипов тўп тепадиган Дубайнинг "Шабаб Ал Аҳли" жамоаси "Пахтакор" клуби ярим ҳимоячиси Одил Ҳамробеков билан мавсум охиригача шартнома имзолади. Бу ҳақда клуб расмий сайти хабар бермоқда.

Футболчи катта эҳтимол билан жароҳат олиб сафдан чиққан Азиз Ғаниевнинг ўрнини эгаллайди.

Маълумот учун, Одил Ҳамробеков 2020 йилги мавсумда Суперлигада 21 та ўйинда майдонга тушди ва 4 та голли пасни амалга оширди.

Эслатиб ўтамиз, дубайликлар БАА чемпионатида 18 турдан сўнг 32 очко билан 5-ўринда боришмоқда. Жамоа ОЧЛда "A" гуруҳида "Ал Ҳилол", "Истиқлол" ва АГМК ёки "Ал Гарафа"дан бири билан беллашади.

Ҳавола :

Манба : championat.asia

Янгиликларни Телеграмда ўқинг!

Рейтинг: +35