Eshitdik-da! "Metallurg" rahbariyatida iste'fo ro'y berdi
Klub matbuot xizmati mazkur masala yuzasidan rasmiy bayonot berdi.
Bugun "Metallurg" PFK qoshidagi futbol akademiyasi anjumanlari zalida klubning kengaytirilgan yig'ilishi bo'lib o'tdi. Unda tashkiliy masala ko'rib chiqildi. Klub bosh direktori vazifasini bajarib kelgan Shavkat Saidov sog'lig'i bois o'z xohishiga ko'ra lavozimidan ozod etildi.
Klub boshqaruvi "Metallurg" FA direktori lavozimi orqali futbol jamoatchiligiga yaxshi tanish bo'lgan O'zbekiston metallurgiya kombinati AJ boshqaruvi raisi o'rinbosari Sharipov Akmal Mamatovich zimmasiga yuklatildi.
