Qosimov hali O'FF prezidenti bilan uchrashgani yo'q

Narzulla Saydullayev

12 sen 2013, 10:47

Xabaringiz bor, O'zbekiston terma jamoasi bosh murabbiyi Mirjalol Qosimov Iordaniyaga qarshi o'yindan keyingi matbuot anjumanida rahbariyatdan iste'foga chiqarishlarini so'rashini ma'lum qilgandi.

Biroq hozircha bu masalada terma jamoa ustozi O'FF prezidenti bilan uchrashmagan.

"O'zbekiston terma jamoasi bosh murabbiyi Mirjalol Qosimovning iste'fo bilan bog'liq bayonoti bo'yicha O'FF Prezidenti bosh murabbiy bilan hozircha uchrashmadi", - deb yozadi O'FF rasmiy tvitteri.

Eslatib o'tamiz, O'zbekiston terma jamoasi 10 sentyabr kuni o'z maydonida Iordaniyaga penaltilar seriyasida yutqazib qo'yib JCH-2014ga borish imkoniyatini butkul yo'qotdi. Terma jamoamizning navbatdagi o'yini 15 oktyabr kuni Osiyo kubogi-2015 saralashi doirasida Vetnamga qarshi bo'lib o'tadi.

So'nggi yangiliklar

Barcha ›