Ayni damda "Surxon" jamoasi sharafini himoya qilayotgan yarim himoyachi Abror Ismoilov kelasi mavsumdan "Paxtakor" a'zosiga aylanadi. "Surxon" bilan shartnomasi tugayotgan futbolchi "sherlar" bilan kelishuvga erishgan.
Ismoilov 9 noyabr kuni O'zbekiston milliy terma jamoasi tarkibida debyut qilgan va o'sha bahsda Igor Sergeevga golli uzatmani amalga oshirgandi.
1998 yilda tug'ilgan futbolchi ayni paytda O'zbekiston olimpiya terma jamoasi bilan birga Dubaydagi xalqaro musobaqada ishtirok etmoqda.
