Ўзбекистон U19 терма жамоаси Осиё чемпионатига тайёргарликни давом эттирмоқда
07 июн 20:05
Янгиликлар

Ўзбекистон U19 терма жамоаси Осиё чемпионатига тайёргарликни давом эттирмоқда

Тимур Кападзе мураббийлиги остидаги Ўзбекистон U19 терма жамоаси қисқа танаффусдан сўнг яна машғулотларни бошлаб юборди.

Октябрь ойида юртимизда ўтадиган U19 Осиё чемпионатига тайёргарлик кўраётган терма жамоамиз куни кеча Тошкентдаги “Чиғатой” базасида йиғинни бошлади.

Йиғин олдидан барча футболчи ва мураббийлар штаби тиббий текширувдан ўтказилди. Кеча бўлиб ўтган машғулотларга МТЖ бош мураббийи Вадим Aбрамов ҳам ташриф буюрди ва Ўзбекистон U19 терма жамоаси мураббийлар штабига керакли маслаҳатларини берди.

Шунингдек, Мирко Еличич ҳам мазкур йиғин давомида жисмоний тайёргарлик бўйича Тимур Кападзега яқиндан кўмаклашмоқда.

Қуйида машғулотдан фотолавҳаларни томоша қилишингиз мумкин: