O'zbekiston o'smirlar terma jamoasi 14 oktyabr kuni BAAning Fujayra shahriga yetib keldi. O'zbekiston o'smirlar terma jamoasi delegaciyasi Fujayra shahridagi Soncorde mehmonxonasiga joylashgan. Musobaqa tashkilotchilariga ko'ra, S guruhida ishtirok etadigan barcha terma jamoalar 14 oktyabr Fujayraga yetib kelgan va mehmonxonaga joylashgan.
Eslatib o'tamiz, U-17 o'smirlar o'rtasidagi jahon chempionati final bosqichi bahslari 17 oktyabr kuni start oladi. Dilshod Nuraliev bosh murabbiyligidagi O'zbekiston o'smirlar terma jamoasi musobaqaning S guruhida Panama, Xorvatiya hamda Marokash o'smirlar terma jamoalariga qarshi to'p suradi.
Nuraliev shogirdlari musobaqaning ilk o'yinini 18 oktyabr kuni Panama o'smirlar terma jamoasiga qarshi o'tkazadi.