O'FA va PFL jim - O'zbekiston kubogi finali qayerda bo'ladi?
26 sentyabr kuni bo'lib o'tgan yarim final uchrashuvlari natijasiga ko'ra AGMK hamda “Paxtakor” klublari final chiptasiga ega chiqishgandi. Mazkur klublar bir yil avval ham hal qiluvchi o'yinda ishtirok etgan bo'lib, yakunda AGMK o'z tarixida ilk bor kubok sohibiga aylangandi.
O'zbekiston futbol assotsiatsiyasi kubok finalini yuqorida saviyada tashkil etish maqsadida, shuningdek, har ikki jamoa muxlislarida final o'yinini bevosita stadionidan tomosha qilish uchun imkoniyat ko'proq bo'lishini inobatga olib, final bellashuvini “Lokomotiv” stadionida o'tkazish variantida to'xtaldi. Uchrashuv 17:00 da start oladi.
Final o'yini oldidan har ikki jamoa bosh murabbiylari hamda klublarning yetakchi futbolchilari ishtirokida matbuot anjumani o'tkaziladi. O'yinoldi tadbirlar manzili yaqin kunlar ichida e'lon qilinadi.
