Ўзбекистон кубоги. Бугун "Бунёдкор" - "Локомотив" учрашуви
31 июл 2013 10:24
Янгиликлар

Ўзбекистон кубоги. Бугун "Бунёдкор" - "Локомотив" учрашуви

Тошкентнинг “Бунёдкор” жамоаси 31 июль, чоршанба куни Ўзбекистон кубоги ярим финал биринчи учрашувлари доирасида “Локомотив”ни қабул қилади.

Ушбу учрашувга кириш ҳуқуқини берувчи чипталар тайёрланди. Чипталар сотуви ўйин куни соат 10:00дан бошлаб “Жар” стадиони кассаларида йўлга қўйилади. “Бунёдкор” – “Локомотив” учрашуви чипталари ўз тоифасига қараб нарҳланган: 1-ТОИФА – 5.000 сўм, СИП – 8.000 сўм, ВИП – 10.000 сўм.

Ўзбекистон профессионал футбол лигаси ушбу учрашувга қуйидаги ҳакамларни тайинланди.

31 июль, чоршанба
“Жар” стадиони. Соат 19:00
“БУНЁДКОР” – “ЛОКОМОТИВ”
Бош ҳакам: Владислав Цейтлин (Тошкент)
Қанот ҳакамлари: Хусниддин Шодмонов (Бухоро), Андрей Цапенко (Янгийўл)
Захира ҳаками: Ҳасан Рўзимов (Тошкент)
Учрашув назоратчиси: Радик Серазитдинов (Тошкент)

Учрашувни СПОРТ телеканали тўғридан тўғри намойиш этилади. Сайтимизда эса матнли трансляция олиб борилади.

Ҳавола :

Манба : championat.asia

Янгиликларни Телеграмда ўқинг!

Рейтинг: