Отабек Нарзуллаев: "Сўғдиёна" ОФК Кубоги ғолиби бўлишини истайман"

- "Сўғдиёна" жамоасини бугунги ғалаба билан табриклаймиз. Рақибнинг кучли ва кучсиз томонларини яхши билардик. Уларнинг бўш томонларидан фойдаланишга ҳаракат қилдик. Кўплаб вазиятлардан фойдалана олмадик. Баҳсда ёшларимизга ҳам имконият бердик. Умид қиламанки, улар ушбу ўйинда йўлга қўйган хатолари устида ишлашда давом этишади. Бизда жароҳатлар бор эди. 28 август куни "Турон"га қарши ўйинимиз бор. Айнан шу ўйин орқали "Турон"га қарши баҳсга тайёрландик. "Сўғдиёна" ўйин бобида ҳам, муҳим борасида ҳам биздан кучли эканлигини билиб турдик. Уларнинг кучли эканлигини яхши билардик. Биринчи бўлимда рақибга имконият ҳам бердик, ўзимиз ҳам бунга эга бўлиб, гол ура олмадик.

- "Сўғдиёна"нинг ОФК Кубогидаги ўйинларини томоша қилдингизми?

- Ҳа, жамоанинг сўнгги барча ўйинларини кўрдик. Рақибни анча вақт тахлил қилдик. Ўз хатоларимиз сабабли бугун мағлуб бўлдик. "Сўғдиёна"га ОФК Кубогидаги навбатдаги ўйинларда омад тилаймиз. Улар яқинда Ўзбекистон номидан Гонконг клуби билан ўйнашади. "Сўғдиёна"нинг ОФК Кубоги ғолиби бўлишини истаймиз. Бу ўйин орқали биз кучлилар сафига қайтишни истаймиз. "Сўғдиёна" билан ўйинни тахлил қилиб, хатолар устида ишлаймиз.