Osiyo xabari: Pablo Batalya “Beyjing”ga o'tdi

Narzulla Saydullayev
21 fev 2014
Argentinalik yarim himoyachi Pablo Batalya Xitoyning “Beyjing Guan” klubi bilan shartnoma tuzdi. 30 yoshli futbolchi xitoyliklar safiga Turkiyaning “Bursaspor” klubidan kelib qo'shildi va “Beyjing” bilan uch yillik shartnomaga imzo chekdi.
Pablo Batalya 2010-2011 yilgi mavsumda Yevropa chempionlar ligasida maydonga tushib, “Bursaspor” tarkibida o'zini ko'rsatgandi. U Turkiya chempionatida 15ta gol urishga muvaffaq bo'lgan.

Xitoyliklar shubhasiz, ajoyib xaridni amalga oshirishdi. Endi Batalyaning Osiyo chempionlar ligasida yangi jamoasiga yordam berishi kutilmoqda. Eslatib o'tamiz, “Beyjing Guan” OCHLning “F” guruhida “Seul” (J.Koreya), “Sanfrechche Xirosima” (Yaponiya) va “Sentral Kost Mariners” (Avstraliya) bilan kurash olib boradi.

Narzulla SaydullayevMuallif
Manba: championat.asia