"Олтин тўп"дан қуруқ қолган Винисиус ЖЧ-2026 саралаш ўйинларида умуман гол уролмаяпти

Бразилия ЖЧ-2026 саралаши доирасида Урунвай билан 1:1 ҳисобида дуранг ўйнади.

"Реал" аъзоси Винисиус Жуниор бутун ўйинни майдонда ўтказди ва на гол урди, на голли пас берди. Бундай ҳолатда вингер Бразилия терма жамоаси таркибида барча мусобақалар доирасида охирги бешта ўйинда умуман самарали ҳаракат амалга ошира олмади.

Ҳозир давом этаётган Жаҳон чемпионати саралашида эса Винисиус 7та ўйинда бирорта гол ура олмаган. Умумий олганда Вини Бразилия таркибида 37та учрашувда 5 тагина тўп киритган.