ЎФФ ҳузуридаги Мураббийлар Кенгашининг янги таркиби тасдиқланди
30 дек 2013 10:37
Янгиликлар

ЎФФ ҳузуридаги Мураббийлар Кенгашининг янги таркиби тасдиқланди

Ўзбекистон миллий терма жамоаси бош мураббийи Миржалол Қосимов, «Пахтакор» ФКнинг биринчи вице-президенти Самвел Бабаян ва «Локомотив» ФК бош мураббийи Ҳаким Фузайлов ЎФФ ҳузуридаги Мураббийлар кенгашининг аъзолигига тасдиқланди.

ЎФФнинг Сайлов-ҳисобот конференциясида янги раҳбариятнинг янги муддатга сайланиши муносабати билан ЎФФ ҳузуридаги Мураббийлар Кенгашининг янги таркиби ҳам тасдиқланди.

Кенгаш таркибида янги аъзолардан ташқари Терма жамоалар маркази директори Асқар Толибжонов, марказ директори ўринбосари профессор Рустам Акрамов, Ўзбекистон Профессионал Футбол Лигаси директори Фарҳод Магометов ва «Правда Востока» газетасининг мухбири Темур Низаев ҳам бор.

ЎФФ Ҳузуридаги Мураббийлар кенгашининг асосий вазифаси терма жамоаларга даҳлдор масалаларни кенг ва очиқ даврада муҳокама қилиб, бу борада тегишли чора-тадбирлар белгилаш ва Ижроия Қўмита ёки Ижроия Қўмита Бюросига Қарор қабул қилиши учун тавсиялар беришдан иборатдир.

Ҳавола :

Манба : the-uff.com

Янгиликларни Телеграмда ўқинг!

Рейтинг: