UZ

Сўнгги янгиликлар

20:55А Серия. “Интер” сафарда “Сассуоло”ни йирик ҳисобда таслим этди ва жадвалда 2-ўрин кўтарилди  0 20:35“Барселона” президентлигига номзод: “Неймарни қайтармаслик керак, у бизни алдаб кетган”  4 20:34АПЛ. "Брайтон" - "Ливерпуль" 1:1  0 20:15Ла Лига. “Валенсия” ўз майдонида “Атлетико”ни қабул қилмоқда (онлайн ҳисоб)  0 20:01АПЛ. “Ливерпуль” сафардаги ўйинларда сўнгги 3 йилдаги энг ёмон натижасини кўрсатмоқда  5 19:55“Ман Сити” – “Бёрнли” 3:0 (матнли трансляция)  3 19:40Бундеслига. “Бавария”, “Боруссия Д”, “Лейпциг” ва бошқа жамоалар иштирокидаги баҳслар бошланди (онлайн ҳисоб)  1 19:28Ла Лига. “Валенсия” – “Атлетико”. Феликс захирада қолди  0 19:26АПЛ. "Брайтон" 90+3 дақиқада пенальтидан гол уриб, "Ливерпуль" билан ўйинда дуранг натижага эришди  37 19:20“Шахтёр” (Солигорск) ЕЧЛ 2021/22 йилги мавсумини қайси босқичдан бошлаши маълум  12 19:15АПЛ. “Ман Сити” – “Бёрнли”. Таркиблар маълум  1 18:56"Манчестер Сити" Агуэрога Италия чемпионатидан ўринбосар топди  2 18:44 Trustbank Cup-2020. 1/2 финал жуфтликлари билан танишинг  1 18:30Дибала Европанинг икки топ-клублари қизиқишига сабаб бўлмоқда  2 18:15Клопп Вейналдумни "Ливерпуль"да сақлаб қолмоқчи  1

ЎФА ва ПФЛ жим — Ўзбекистон кубоги финали қаерда бўлади? Янгиликлар

ЎФА ва ПФЛ жим — Ўзбекистон кубоги финали қаерда бўлади?

Ўзбекистон Кубоги финал учрашуви қаерда ва қайси стадионда ўтиши ҳалигача маълум қилинмаган.

Хабарингиз бор, жорий йил Ўзбекистон кубоги финалига ўтган мавсумда бўлгани каби Олмалиқнинг АГМК ҳамда Тошкентнинг "Пахтакор" жамоаси чиқди.

Финал ўйини 26 октябрь куни ўтиши режалаштирилган. Аммо йил аввалидан буён финал баҳси қайси стадионда ўтиши белгиланмаганди. Ярим финал босқичидан кейин финал қаерда ва қайси стадионда ўтказилиши маълум қилиниши айтилганди. Бироқ ярим финал учрашувлари якунланганига ва финалчилар номи ҳам маълум бўлганига 2 ҳафтадан ошди. Лекин ҳали ҳам финал қаерда ва қайси стадионда ўтказилиши ҳақида ЎФА ёки ПФЛ ҳеч қандай расмий хабар бергани йўқ. Финал ўйинига эса 2 ҳафта қолди. Лекин йилнинг энг муҳим беллашуви қаерда ўтказилиши ҳали ҳам номаълумлигича қолмоқда.

Биласиз, ЎФА ва ПФЛ байроғи остида ўтадиган Ўзбекистон Кубоги финали айнан ташкилот томонидан мустақил ташкиллаштирилади. Яъни, чемпионат ўйинлари ташкилий масалалари билан мезбон жамоа шуғулланади. ПФЛ эса буни назорат қилади холос. Ўзбекистон Кубоги финали эса айнан ЎФА ва ПФЛ ташкиллаштирадиган мавсумдаги ягона, лекин энг муҳим баҳс ҳисобланади.

"Пахтакор" ва АГМК ўртасидаги финал ўйини қачон, қаерда ва қайси стадионда ўтиши борасида ЎФА ва ПФЛдан тезроқ расмий хабар кутиб қоламиз.

Чунки ўзбекистонлик футбол мухлислари ҳам йилда бир ўтадиган ажойиб финал оқшомига қайси стадион мезбонлик қилишини интиқлик билан кутишмоқда. Жамоалар ҳам мавсумдаги ҳал қилувчи баҳс қайси стадионда ўтиши ҳақида аниқ хабарни кутишаётган бўлиши табиий. 

Биласиз, Ўзбекистон кубоги финали кўп йиллар давомида Тошкентдаги "Пахтакор" марказий стадионида ўтказилиб келинган. Яъни, чемпионат аввалидан финал қайси стадионда ўтиши белгилаб қўйиларди. Мисол учун Германия кубоги финали ҳам доим пойтахтда, яъни Берлиндаги "Олимпияштадион"да ўтказилади.

Бироқ 2014 йилдан бошлаб Ўзбекистон Кубоги финалига "Пахтакор" стадиони мезбонлик қилиш анъанасига барҳам берилди. Дастлаб Олмалиқдаги стадионда ўтказилган финал, сўнгра Жиззахга, кейинчалик Самарқандга ўтди. Икки йил аввал эса "Бунёдкор" стадионида ўтказилган финал, ўтган гал Фарғонага берилди. Ҳозирча Қаршидаги ажойиб "Марказий" стадион ва Намангандаги ўйингоҳ Ўзбекистон кубоги финалига мезбонлик қилмаган. Финалга "Пахтакор" ва АГМК чиққанлигини инобатга оладиган бўлсак, ўйин нейтрал майдонда ўтади. Эҳтимолий вариантлар орасида эса Наманган ва Қаршидаги "Марказий" стадионлар финалга мезбонлик қилишга даъвогарлар рўйхатида тилга олинмоқда. Шунингдек, ўйин Тошкентда ўтиши ва финалга "Локомотив" ёки "Бунёдкор" стадиони мезбонлик қилиш эҳтимоли ҳам мавжуд.

Бироқ йилда бир ўтадиган финал ўйини муҳити ҳақиқий финалга мос ва хос, муҳими нейтрал жойда ўтиши мантиқан тўғри бўлишини ҳисобга олсак, энг оптимал вариантлар ичида Наманган ёки Қаршидаги ўйингоҳ ажойиб финал оқшомини қабул қилиши мумкин. Яна бир муҳим фактор, яъни мазкур стадионларнинг майдон чими сифати ҳам айни пайтда футбол ўйнашга ҳеч қандай тўсқинлик қилмайди. Шунингдек, Ўзбекистон кубоги финали ҳали ҳечам Наманган ёки Қаршида ўтказилмагани ҳам ушбу стадионларнинг жорий финалга мезбонлик қилиш эҳтимолини ошириши мумкин.

ЎФА ва ПФЛ қандай қарорга келишини эса вақт кўрсатади. Вақт эса оз қолмоқда. Аммо финал манзили ҳамон номаълум.

Эслатиб ўтамиз, Ўзбекистон кубоги финалига Тошкентнинг "Пахтакор" ҳамда Олмалиқнинг АГМК жамоалари чиқишган. Финал 26 октябрь куни бўлиб ўтади.

Рейтинг: +19   

Фикрлар

championat.asia
< сўнгги янгиликларни кўриш
Яндекс.Метрика