Навкаров “Қизилқум” тарк этадими?
10 июл 2013 23:30
Янгиликлар

Навкаров “Қизилқум” тарк этадими?

Танаффусга 14-ўринда йўл олган “Қизилқум”ни кўпчилик аллақачон олий лигани тарк этиши мумкин бўлган биринчи жамоага чиқариб қўйишгани ҳақиқатдир.

Ушбу жамоага ҳам барқарор ўйин кўрсатиши учун молиявий муаммолар йўл қўймаяпти. Акс холда чемпионат бошида Равшан Ҳайдаров клубдан кетиш ҳақида ариза ёзмас эди. Мавсумни Равшан Акмалович бошчилигида бошлаган зарафшонликлар кейинчалик бошқарув постига Рустам Забировни олиб келди. Аммо ҳануз жамоа аутсайдерлар қаторидан чиқиб кета олмаяпти.

Давралар оралиғида эса жамоа таркибида катта ўзгаришлар бўлиши кутилмоқда. Хусусан жамоа ҳужумчиси Олим Навкаровга айни пайтда “Динамо” ва “Олмалиқ”дан чорлов бўлмоқда. Биринчи даврада Олим Навкаров 8 ўйинда иштирок этди (555 дақиқа) ва мазур баҳсларда ўз ҳисобига 2та гол ёздириб қўйишга эришди. Кўрамиз 30 ёшли футболчи иккинчи даврани қайси жамоада ўтказар экан.

Исломбек Рустамбеков

Ҳавола :

Манба : championat.asia

Янгиликларни Телеграмда ўқинг!

Рейтинг: