"Navbahor": Leposavich safga qo'shildi

Narzulla Saydullayev
25 yanv 2015, 15:06
Avval xabar berganimizdek, jamoamizga taklif etilgan serbiyalik hujumchi Aleksandar Leposavich bugun tunda Toshkentga yetib keldi.
Futbolchi ayni paytda jamoa safiga qo'shilishga ulgurdi. Leposavich birozdan so'ng boshlanadigan mashg'ulotda ilk bora "Navbahor" safida ishtirok etadi.

Kecha "Olmaliq" bilan nazorat o'yini o'tkazilganligi sababli kunning birinchi yarmida futbolchilar engil yugurish bilan saunada charchoq alomatlarini chiqarishdi. Tushlikdan so'ng esa mamlakatimizning taniqli hakamlaridan biri Vladislav Seytlin jamoa a'zolariga futbol qoidalari va unga kiritlgan o'zgarishlar bo'yicha o'quv seminari o'tkazdi.

Milliy terma jamoamiz bilan birgalikda Osiyo kubogida ishtirok etgan bosh murabbiy Baxtiyor Ashurmatov ham kecha Toshkentga qaytib kelgandi. Bugundan Ashurmatov boshqaruvni yana o'z qo'liga oldi.

Narzulla SaydullayevMuallif
Manba: pfcnavbahor.uz