Toshkentdagi uchrashuvni tomosha qilish uchun stadionga 11 ming muxlis tashrif buyurdi. Mazkur bahsga tomoshabinlar oqimi "qaldirg'ochlar" rahbariyati kutganidan ancha ko'p bo'lgani tufayli o'yin uchun chiqarilgan chipta etmay qoldi. Shundan keyin eski chiptalar sotuvga chiqarilgan. Ular ham tugaganidan keyin stadion eshiklari ochib yuborilgani aytilmoqda.

Eng qizig'i, stadionga muxlislar oqimi 1-bo'limning oxiriga qadar davom etdi. Shu voqeada "Bunyodkor" rahbariyatining 2 ta xatosi ko'zga tashlanib qoldi:

a) etarlicha chipta chiqarilmagani bois klub anchagina daromaddan quruq qoldi.

b) chiptalar faqat bitta kassadan sotilgani tufayli uzun navbat vujudga keldi va bu muxlislar uchun katta noqulaylik tug'dirdi.

Taklif: Kelajakda shunday muammolarning oldini olish uchun barcha jamoalarimiz chiptalarning onlayn sotuvini darhol yo'lga qo'yishlari kerak. Bu ishonchli, qulay va shaffof. Kecha stadionda ajoyib atmosfera yuzaga keltirgan "ajdarlar"ga esa alohida respekt!

"Nasaf" muxlislariga chipta yetmadi