Mehmonlar o'yinda bir kishi kam bo'lib o'ynagan bo'lsa ham, yakunda hisobda ortda borayotib muvozanatni tiklashga erishdi va haqli 1 ochkoga ega chiqdi. Mag'lubiyatdan qutqarib qolgan gol muallifi esa Damir Temirovdir. Allaqachon jamoaning muhim bo'lagiga aylangan ushbu futbolchi haqida gaplashamiz.

1998 yilda tug'ilgan yarim himoyachi o'tgan mavsumning boshida "Metallurg" bilan shartnoma imzolagandi. Qaysidir manoda mazkur transfer hoziga qadar o'zini oqlamoqda, deya olamiz. Damir Temirov 2021 yilda Superligada 25ta uchrashuvda maydonga tushdi va o'z hisobiga 4ta gol, 1ta assist yozdirib qo'ydi. Shu bilan birga jamoaning eng yaxshi to'purariga sifatida qayd etildi. Keyingi o'rinlarda Shahzod Nurmatov va Zohid Abdullaev 3tadan gol.

8-tur. "Lokomotiv" - "Metallurg" 1:3
Gollar: Damir Temirov 18, Shahzod G'ofurbekov 77, Shahzod G'ofurbekov 80
11-tur. "Metallurg" - "Navbahor" 2:2
Gollar: Damir Temirov 26, Shahzod G'ofurbekov (assist Damir Temirov)
18-tur. "Andijon" - "Metallurg" 1:2
Gollar: Damir Temirov 87, Ivan Nagaev
21-tur. "Metallurg" - "Lokomotiv" 1:2
Gol: Damir Temirov (pen) 42

Joriy yil hisobidan u uchinchi marotaba "qutqaruvchi" vazifasini bajardi. 2-turda safarda "Nasaf" bilan bahsning so'nggi daqiqalarida Abror Toshqo'zievning goliga assistentlik qilgan bo'lsa, "Bunyodkor"ning esa uyda g'alabani nishonlashiga yo'l qo'ygani yo'q. O'zbekiston kubogida "Surxon"ga urgan supergoli 1:0 hisobidagi g'alabani taminladi. Umumiy qilib aytganda Damir Temirov borgan sari "Metallurg"ning "snayperi"ga, bekobodlik muxlislarning yoqimtoyiga aylanib boryapti.

Futbolchi bugungi uchrashuvdan so'ng quyidagi fikrlarni bildirib o'tdi.

- G'alabaga teng durang desak ham bo'ladi. Bir kishi kam bo'lib qolganimizdan so'ng iloji boricha gol o'tkazib yubormaslikni o'yladik. Chunki bunday pallada birgina xato qimmatga tushishi mumkin. Agarda ikkinchi golni o'tkazib yuborganimizda hammasi tugar edi. Yigitlar bilan birlashib harakat qildik. Biz kutgan natija emas, biroq qoniqish hosil qildik.

"Metallurg"dagi "snayper" haqida