ПСЖ шарафини ҳимоя қилаётган футболчи ЖЧ-2022 1/8 финалида Польша билан ўйинда (3:1) дубль қайд этди.
Ҳозирда 23 ёшли Мбаппе ҳисобида жаҳон чемпионатларида урилган 9 та гол бор. 24 ёшга қадар ҳеч ким ундан тезроқ гол урмаган. Аввалги рекорд бразилиялик Пелега тегишли эди, футбол афсонаси 24 ёшга тўлгунга қадар 7 та тўп киритган.
Шуни ҳам таъкидлаш керакки, шу кунгача жаҳон чемпионатида 8 та гол урган энг ёш футболчи португалиялик Эйсебио (24 ёшу 182 кун) ҳисобланарди.
