- O'yin haqida fikrlaringiz?
- Uchrashuvni yaxshi boshladik va gol urish uchun bir nechta vaziyatlarimiz bo'ldi. Mustafo Abdulatifda yaxshi imkoniyatlar bo'ldi, lekin Iroq darvozaboni yaxshi haraqat qildi. Umumiy qilib aytsam, turnir biz uchun katta tajriba vazifasini o'tadi, lekin natijalarimiz guruhdan chiqish uchun etarlicha bo'lmadi. Biz O'zbekiston bilan kamida durang o'ynashimiz, Indoneziyaga mag'lub bo'lmasligimiz kerak edi. O'zimiz reja qilgandek qatnasha olmadik va bor kuchimizni ko'rsata bilmadik.
- Janob murabbiy, qisqa vaqt ichida jamoangiz yaxshi o'yin namoyish etdi, lekin turnirda omadsiz ishtirok etdingiz. Bunga sabab nima deb o'ylaysiz?
- Birinchi navbatda, diqqatli bo'la olmadik va shu sabab omadsizlikka uchradik deb o'ylayman. Futbolchilarda tajriba kam, chunki Suriyada U-21 chempionati yo'q va buning uchun holatimiz ham etarli emas. Ushbu musobaqa oldidan 9ta o'rtoqlik uchrashuvini o'tkazgandik, lekin o'rtoqlik uchrashuvlarida bosim bo'lmaydi. Ushbu yoshlarga tajriba yetishmayapti, ular hali juda yosh va o'ylaymanki ular olimpiya terma jamoasiga o'tishganda, ancha yaxshi shakllangan futbolchilar bo'lishadi. O'zbekistonga qarshi eng yaxshi o'yinmizni o'tkazdik, ular faqatgina standart vaziyatlardan gol urishdi.
- Ushbu musobaqadagi ishtirokingizning foydali tomonlarini aytib o'tsangiz?
- Foydasi katta, chunki 12 yil deganda bizning yoshlar ushbu musobaqada qatnashmoqda va bu albatta katta yutuq, to'g'ri musobaqani erta tark etayapmiz, lekin fikrimcha bu rivojlanish yo'lining boshlanishi. Men federatsiyaga minnatdorchiligimni bildiraman, chunki ular butun musobaqa davomida menga ishonishdi. Misol qilib aytaman, Alramadan o'zi to'p tepadigan "Aleppo" klubida kattalar safida maydonga hali maydonga tushmadi, va u U-19 jamoasida to'p tepadi, u yerda esa maktab bolalariga qarshi o'ynaydi, u qanday qilib O'zbekiston terma jamoasiga qarshi muxlislar bilan to'lgan stadionda o'ynashi mumkin. Ishlashda davom etamiz, men federatsiyada texnik direktor bo'lib ham ishlayman va o'ylaymanki keyingi ishtirokimiz ancha yaxshiroq bo'ladi. Barchangizga e'tibor uchun rahmat.
