Бугун Фарғона вилоят дербисида майдонга тушдик. Кетма-кет учрашувларда мағлубиятга учраганимиз боис, бугунги учрашувда ғалаба қозонишимиз шарт эди, афсус яна мағлубиятга учрадик. Умуман вазиятни тушуниш қийин бўляпти, ўйинимиз яхши, лекин мағлубиятга учраяпмиз.
Учрашувни кўриб гувоҳи бўлдинглар, устунлик биз томонда бўлди. Учрашув давомида кўплаб вазиятларга эга бўлдик, лекин фойдалана олмадик. Биринчи бўлимда хатто бўш қолган дарвозага ҳам тўп кирита олмадик. Футболда ёзилмаган қонун бор, сен урмасанг, сенга уришади. Бугун мана шу "олтин қоида" ўз ифодасини топди. Нима ҳам дердик, бизда яна 3 та учрашув қолди. Насиб этса мана шу учрашувларда ғалаба қозониб, мухлисларни хурсанд қиламиз деган умиддаман. Ёзёвонлик мухлисларга раҳмат айтаман, улар ҳар доим ва ҳар қандай вазиятда бизни қўллаб-қувватлаб келишган - дейди Маъмурбек Қосимов.
Бекзод Толибов ёзиб олди.
