Куни кеча бразилиялик футболчи Саудия Арабистонининг "Ал Дирия" клубига трансферини якунлаши керак эди, шу сабабли у душанба куни Қирол кубоги 1/16 финали доирасидаги "Ал Раэд"га қарши ўйинни (2:0) ўтказиб юборди. Якунда футболчи трансфердан бош тортди ва фаолиятини БААда давом эттиришга қарор қилди, деб хабар бермоқда журналист Саша Тавольери. Малком "Ал Ҳилол"ни тарк этишни ҳам, "Ал Дирия"га ўтишни ҳам истамаган, қолаверса, у клуб раҳбариятининг ўзига бўлган муносабатидан норози. Шу сабабли "Зенит"нинг собиқ аъзоси шартномани бекор қилиш, сўнгра арабларнинг "Ал Жазира" клуби билан 3 йиллик битим тузиш ниятида.
