Максим Шацких: "Бу йил амалга ошмаган орзуларининг рўёби келаси йили ушалсин"

Максим Шацких: "Ўзбекистон ХХII миллий чемпионати ўйинларини интернет орқали имкониятим даражасида кузатиб бордим. ТВ орқали кўришнинг эса иложи йўқ. Ҳеч бўлмаганда, турнир жадвалидаги ҳолатни кўриб чиқаман. Бу йил “Бунёдкор”нинг чемпионлик ва кубокни қўлга киритгани ҳаққоний бўлди, назаримда. Айтиш мумкинки, Ўзбекистон чемпионатида аввалги йиллар билан таққослаганда ўсиш бор. Буни терма жамоа натижаларида ҳам кўриш мумкин. Терма жамоамиз фақат омад етишмаганлиги сабабли ЖЧдан қолиб кетди. Ҳали шу пайтгача ҳеч қачон 14 очко жамғарилмаганди. Ҳал қилувчи саралаш ўйинларида ғалаба қозониш бу тарихий натижадек қабул қилинарди. Фурсатдан фойдаланиб, сайтингиз орқали юртдошларимизни кириб келаётган Янги йил байрами билан табриклайман. Бу йил амалга ошмаган орзуларининг рўёби келаси йили ушалсин!"