UZ

Сўнгги янгиликлар

12:49"Манчестер Сити" эгалари яна бир клубни сотиб олмоқда  0 12:25Де Лигт: "Менимча, ЖЧ-2022да ўйнамайман"  2 12:06Қатардаги бинода аҳволи оғир деб айтилаётган Пеле расмини намойиш қилишди  3 11:45Эшитдик-да! "Навбаҳор" "Нефтчи" футболчиси учун йилига 2 млрд сўм маош тўлашга тайёр  16 11:33"Ювентус" қишда фақатгина бир позиция учун футболчи сотиб олишга ҳаракат қилади  0 11:11Кроос Бундестимдаги пасайиш сабабини айтди  6 10:50Луи ван Гал Нидерландия термасининг муаммолари ҳақида гапирди  4 10:28Скалони: "Аргентина ўйиннинг бундай якунига лойиқ эмасди"  10 10:00Футзал. Олий Лига. “Максам-Чирчиқ” – “Оил Стар” баҳсида 13 та гол урилди, “Металлург” 5:4 ҳисобида “Бунёдкор”ни енгди ва бошқа натижалар (+бугунги учрашувлар ва жадвал)  0 09:30Марселонинг ўғли “Реал” билан илк шартномасини имзолади. У ёшлар чемпионатида 7 баҳсда 15+3 натижа қайд этмоқда  3 09:15Бразилия ТЖ мухлислари учун хушхабар  5 09:00Дюмфрис ЖЧ рекордини такрорлади  1 08:55ЖЧ-2022. Аргентина – Австралия 2:1  2 08:50ЖЧ-2022. Нидерландия - АҚШ 3:1  0 08:45Месси ЖЧда Роналдунинг рекордини янгилади ва бошқа бир натижа бўйича португалиялик билан тенглашди  7

Маҳмуд Маткаримов: “Болалар учун бундай турнирлар жуда ҳам керак” Янгиликлар

Маҳмуд Маткаримов: “Болалар учун бундай турнирлар жуда ҳам керак”

Андижонда 1996-98 йилларда туғилган болалар ўртасида бўлиб ўтган АОЗК Кубоги турнири бугун поёнига етди.
Мусобақа натижалари кундалик тарзда сайтимизда бериб борилди. Бугун финал ўйини якунига етгач, турнир ташкилотчиларидан бири Маҳмуд Маткаримов билан қисқача суҳбатлашдик.

- Маҳмуд ака, 8 кун давом этган мусобақага бугун якун ясалди. Турнирдан қониқиш хосил қилдингизми?
- Авваламбор ушбу мусобақани ўтказишда бизга амалий ёрдам берган Андижон олимпия захиралари коллежи директорига миннатдорчилигимни изҳор этаман. Албатта турнирдан қониқиш хосил қилдик. Тўғри, камчиликлар ҳам бўлди. Лекин биз уларни келгусида бошқа такрорламасликка уринамиз. Муҳими ёшларга ўйин амалиёти бўлди. Ўйинлар шаҳримизнинг учта стадионида ўтди. Жамоалар ҳар бир ўйинда жиддий курашди. 

- АОЗК Кубогига қачон асос солинган?
- 2013 йили ушбу АОЗК Кубогини ўтказиш борасида ташаббус билан чиққандим. Шунда раҳбарият фикримни қўллаб-қувватлаб, амалий ёрдам берган. Мана кўриб турганингиздек, бу йил иккинчи бор мусобақа ўтказилди. Насиб қилса келгусида ҳам буни давом эттирамиз. Арзимаган совға бўлсада, асосийси ёшларга ўзини кўрсатиш учун қулай имконият бўлади. Мураббийлар келиб, ҳар куни учрашувларни кузатган холда, қарашларига мос тушганларни кўз остига олиб кетишди.

- Мусобақага ташриф буюрган меҳмон жамоалар қандай кайфиятда ортга қайтишди?
- Хурсандчилик билан кузатиб, дўстона хайрлашдик. Улар ҳам ўз вилоятида ўтказиладиган турнирларга бизни таклиф этишларини айтди. Меҳмон жамоаларга ҳам миннатдорчилик билдираман.

- Бугун вилоятнинг бош жамоаси бўлмиш “Андижон”нинг олий лигада қолиши аниқ бўлди. Демак, келаси йил ёшлар жамоаси ҳам бўлади. АОЗКдан ҳам ўзини кўрсатган ёшлар “Андижон” ёшлар жамоасига ўтказилса керак?
- Агарда мураббийлар келаси йил коллежимиз жамоасида ўйнаб келаётганларни олишни истаса, бажонидил берамиз. Чунки биз аслида ҳам шу вилоятимизнинг биринчи жамоасига ўйинчиларни етказиб бериш учун ишлаяпмиз. Мақтаняпти демангу, бизда иқтидорли ёшлар кўп. Уларни қўрқмасдан таркибга жалб этиб, ишонч билдириш керак.


Фотода 2014 йилги АОЗК ғолиби "УзДонгЖу" жамоаси.

Исломбек Рустамбеков суҳбатлашди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика