UZ

Сўнгги янгиликлар

00:58ЦСКАнинг аргентиналик ҳужумчиси "Женоа"га ўтишга рози бўлди  4 00:45Бундеслига. "Боруссия М" ҳакам томонидан қўшиб берилган 5-дақиқада ғалабани қўлдан чиқарди  6 00:34АПЛ. Моунтнинг битта голи "Челси"га учта очко олиб берди  7 00:15Лига 1. "Пари Сен-Жермен"нинг бошланғич таркиби маълум!  1 00:09АПЛ. "Лестер" – "Саутгемптон": Варди, Уолкотт ва Олбрайтон асосий таркибда!  7 00:06"Спартак" нидерландиялик футболчининг трансферини эълон қилди  5 23:50Инфантино Африка миллатлар чемпионатининг очилиш маросимида қатнашди  0 23:34"Барса" Лео билан кучлироқ. Якуний қарорни унинг ўзи қабул қилади"  2 23:15Дешам Бенземани кечирмайди  14 22:50"Унион" "Бавария" ҳужумчисини ижарага олди  1 22:38Платини: "Дибала – Марадона, Неймар каби футболчилар тоифасидан"  6 22:30АПЛ. "Фулхэм" – "Челси" (онлайн ҳисоб)  8 22:24"Аякс"нинг 15 ёшли форварди "Боруссия"га ўтади  3 22:16"Насаф" ўзаро ўйин ўтказди ва кичик таътилга чиқди  19 22:04Эшитдик-да! "Ал Насср" кореялик футболчи билан муаммони ҳал қилгач Машарипов трансферини эълон қилади  26

Луис Суарес Испанияни чемпион қилган "Евро" ҳақида Янгиликлар

Луис Суарес Испанияни чемпион қилган "Евро" ҳақида

Ўтган аср ўрталарида "кўҳна қитъа" биринчилигининг регламенти мутлақо ўзгача эди.

Унга кўра, мусобақада иштирок этиш мақсадини билдирган жамоалар орасида саралаш босқичи ўтказилар, якунда сараланган 4 жамоа мусобақанинг финал босқичига йўл оларди. Мазкур 4 жамоадан бири мезбон сифатида тайинланган ва ўша мамлакат турнирнинг ташкилий ишлари билан шуғулланган. Мусобақанинг якуний босқичи 4 учрашувдан иборат бўларди: 2та ярим финал, 3-ўрин учун баҳс ва финал.

1964 йилги Европа чемпионатининг финал босиқичига ҳам 4та жамоа йўл олди: Испания, Венгрия, СССР ва Дания. Ушбу мусобақада иштирок этиш учун 29та терма жамоа ариза топширганди. (Бу борада олдинги мусобақага нисбатан анча ўсишга эришилган. Евро-1960га иштирок этиш ниятини 17 жамоа билдирганди.) Турнир мезбони сифатида Испания танланди, ўйинлар 2 шаҳарда (Каталония ва Мадрид) 1964 йилнинг 17-21 июнь кунлари ўтказилишига келишиб олинди.

Бевосита турнирга тўхталсак, ярим финалда венгерларни қийинчилик билан енгган мезбон Испания финалга чиқди. Якуний баҳсда испанларга Данияни маҳв этган собиқ совет иттифоқи вакиллари рақиблик қиладиган бўлди.

3-ўрин учун баҳсда Венгрия Даниядан устун келди ва ҳамма финални интиқлик билан кута бошлади. Ўшанда финал ўйинини қайси стадионда ўтказиш масаласи анча мунозараларга сабаб бўлган экан. Якунда 90 минг кишилик "Ноу Камп" эсмас, 110 минг томошабинга мўлжалланган  "Сантьяго Бернабеу" танланади.

Мезбонларга томошабинларнинг қўллаб-қувватлаши куч бағишласа, СССР мусобақанинг амалдаги чемпиони эди ва бу унвонни ўзида сақлаб қолиш учун ҳаракат қиларди.

Испания – СССР 2:1

Голлар: Переда, 6, Марселино, 84 – Хусаинов 8


Испания: Ирибар – Ривилья, Оливелья, Кальеха – Соко, Фусте – Переда, Суарес, Амансио, Марселино, Лапетра

СССР: Яшин – Аничкин, Шустиков, Шестернев, Мудрик – Воронин, Корнеев, Численко, Хусаинов – Иванов, Понедельник

Мадриддаги 79 минг томошабин гувоҳлигида ўтказилган баҳсда ҳисоб мезбонлар томонидан очилди. Ўнг қанотдан жарима майдончаси ичига оширилган узатмадан кейин СССР ҳимоячилари қўпол хатога йўл қўяди ва 6-дақиқада Переда тўп киритади. Испанларнинг голдан кейинги қувончи узоққа бормади. Чунки орадан 2 дақиқа ўтгач татаристонлик чап қанот ҳужумчиси Галимзян Хусаинов мувозанатни тиклади. Голдан кейин СССР кескинликни оширди. Испанлар эса кейинги ҳужумларини ярим ҳимоячи Луис Суарес орқали ташкиллаштиришга ҳаракат қиларди. Шундай ҳужумлардан бири 84-дақиқада самара берди, Марселино ўйинда якуний ҳисобни ўрнатди - 2:1. Шу тариқа Испания Европа чемпионига айланганди.

Ўша голларни қуйидаги видеотасвирда кўришингиз мумкин.


Мазкур мусобақанинг энг яхши футболчиси сифатида Испания терма жамоаси ўйинини ташкиллаштиришда жонбозлик кўрсатган Луис Суарес тақдирланади. Маълумот учун, Суарес ўша пайтда Миланнинг "Интер" клуби шарафини ҳимоя қиларди. У 1954-61 йилларда "Барселона"да ҳам ўйнаган ва 1960 йилда "Олтин тўп"га муносиб кўрилган.

Яна шуни таъкидлаш керакки, финалда гол урган Галимзян Хусаинов 1980-1982 йилларда Тошкентнинг "Пахтакор" клуби бош мураббийи венгриялик Иштван Секечнинг ёрдамчиси сифатида фаолият юритган.

Фахриддин Рўзиев

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика