Лоран Блан: “Биз Кабайга қизиқаяпмиз”
08 июл 2013 16:57
Янгиликлар

Лоран Блан: “Биз Кабайга қизиқаяпмиз”

“Пари Сен-Жермен” клуби бош мураббийи Лоран Блан, “Наполи” клуби ҳужумчиси Эдисон Кавани ва “Ньюкасл” клуби ярим ҳимоячиси Йоан Кабайнинг трансфери имкониятлари ҳақида фикр юритиб ўтди.

“Кавани ва Ибрагимович биргаликда яхши ҳаракатлана олади ва майдонда бир-бирини тўлдириб туришга ёрдам беради. Бу трансфер бизнинг Франциядаги ва Европадаги рақибларимизга қандайдир маънода огоҳлантириш бўлиши мумкин.

Кабай? Бу ажойиб футболчи, бироқ буларнинг бари бизнинг таркибимизда қанақа ўйинчилар бўлишига боғлиқ бўлади. Биз унга қаттиқ қизиқаяпмиз, чунки Кабай бизга турли хил ўйин вариантларини бериши мумкин.

Тиаго Сильва? Фикримчи у Парижда қолади. Унга сардор бўлишга яхши имконият мавжуд”, - дейди Блан.

Илгари тарқалган хабарларга кўра, Кавани “ПСЖ” билан маоши йилига 8 миллион евродан иборат бўлган 5-йиллик шартнома имзолаган. Бундан ташқари парижликлар Кавани учун 64 млн евро маблағ сарфлашади.

Ҳавола :

Манба : sports.ru

Янгиликларни Телеграмда ўқинг!

Рейтинг: