"Каспий кубоги-2013". Иордания - Ўзбекистон 0:7

Ўйинда Темур Олимхўжаев шогирдлари рақиблари дарвозасига жавобсиз 7та гол уришди! Дастлабки турда Иордания Туркияга 0:4 ҳисобида ютқазганди. Шу сабабли 1 июнь куни Туркия ва Ўзбекистон ўртасидаги ўйин гуруҳ ғолибини аниқлаб беради.

Сўнгги турда ўсмирларимиз Туркияга мағлуб бўлишмаса гуруҳда биринчи бўлишади ва ярим финалга чиқишади.

«Каспий Кубоги-2013»
29 май. 1-тур
Туркия - Иордания 4:0

30 май. 2-тур
Иордания - Ўзбекистон - 0:7

1 июнь. 3-тур
Ўзбекистон - Туркия
 
 
Иордания U16 - Ўзбекистон U16 - 0:7
 
Бош ҳакам: Раҳим Ҳасанов.

Голлар: М. Жумаев, 10, 34, Ж.Кўчимов 28, 51, И. Алижонов, 61, С. Абрамов, 65, О. Нурматов, 79

Ўзбекистон U16: 1.Акрам Хўжаев, 3.Илҳомжон Алижонов, 2.Дониёр Ҳошимов (16. Бурхон Усмонов, 52), 4. Сардор Мадрахимов, 5. Озодбек Қурбонов (с), 6. Жасурбек Асқаров (11. Сухробжон Исоқжонов, 55), 7. Жонибек Кўчимов, 8. Савелий Абрамов (17. Ойбек Нурматов, 46), 10. Акром Баҳромов, 9. Азизжон Ғаниев, 22. Маъруф Жумаев.

Захирада қолганлар: 14. Ботиржон Тўраев, 19. Алишер Шералиев, 20. Шохжаҳон Нишонов, 12. Азамат Соибов.

Бош мураббий: Тимур Олимхўжаев.
 
Мусобақа регламентига кўра ҳар бир иштирокчи мамлакат 18 нафар футболчини рўйхатга киритиш имконига эга. Ўйинлар Бокудаги «Байли» ва «Далга» стадионларида бўлиб ўтмоқда. 12та жамоа, 3тадан 4 гуруҳга бўлинган ҳолда мусобақада иштирок этишмоқда. Гуруҳларда 1-ўринни қўлга киритган мамлакатлар ярим финалга йўлланма олишади. Ярим финалда мағлубиятга учраган терма жамоалар турнирнинг 3-ўрин эгасини аниқлаш йўлида кураш олиб боришади. Мос равишда мусобақанинг 5 ва 7-ўринлари учун ҳам ўйинлар ташкил этилади.