Бир кун аввал 41 ёшли ҳужумчи ўз баёнотида Португалия терма жамоаси бош мураббийи Жорже Жезуш билан юзага келган зиддият тафсилотларини ошкор этиб, мутахассис ўз сўзида икки марта турмаганини таъкидлаганди.
"Менимча, Жорже Жезуш ҳозиргина ўзини ишдан бўшатиш ҳақидаги ҳукмга имзо чекди. Роналду — бу қудратли куч ва бутун бошли бир миллатдир, миллат билан эса ҳазиллашиб бўлмайди. Худди шу ҳолат "Манчестер Юнайтед"да тен Ҳаг билан ҳам юз берган ва унинг фаолияти бутунлай барбод бўлганди. Футболчилар сени мураббий сифатида ҳурмат қилганидек, сен ҳам уларни ҳурмат қилишинг керак. Назаримда, Роналду ва Жезуш ўртасидаги муносабатлардаги муаммо айнан шунда эди. Унга энг эзгу тилакларимни билдираман, бироқ Жорже Жезуш учун буларнинг барчаси яхшилик билан тугамаслигини биламан", – деди Жеррард.
Эрик тен Ҳаг билан қиёслаш Роналдунинг "Манчестер Юнайтед"да нидерландиялик мутахассис билан юз берган можаросига ишора қилади. 2022 йилнинг ноябрида португалиялик юлдуз британиялик журналист Пирс Морганга берган катта интервьюсида тен Ҳагни ҳурмат қилмаслигини, чунки унинг томонидан ҳам ҳурмат ҳис қилмаётганини айтганди. Орадан кўп ўтмай клуб ва Роналду ўртасидаги шартнома ўзаро келишувга кўра бекор қилинган.
