UZ

Сўнгги янгиликлар

12:17Бугун Москвада Валентин Иванов хотира-турнири старт олади  0 12:14Африка Миллатлар Кубоги ғолиби "Монако"га ўтди  0 12:11Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ)  0 11:50Эриксен "Тоттенхэм"дан уни трансферга қўйишларини талаб қилмоқда  3 11:28"Барселона" Неймар фамилияси ёзилган либосларни буюртма қилди  18 11:05Криштиану Роналду: "Ҳозир ҳар қандай ўйинчи учун 100 миллион евро тўланиши мумкин"  6 10:41Дембеле яна клуб тартибини бузди  3 10:22Балотелли "Манчестер Сити" таркибида майдонга тушади  7 09:50Райан Гиггз МЮда пенальтиларни ким тепиши кераклигини айтди   2 09:35Агент: “Арсенал” Торрейранинг бошқа клубга ўтишини тақиқлаб қўйган   1 09:20Лука Йович: “Журналистлар мени кулишга мажбур қилмоқда”   9 09:00“Арсенал” ҳимоячиси А Серияга кўчиб ўтишга яқин   1 08:53ПСЖ футболчилари Тухелга қарши чиқмоқда   7 08:47“Ливерпуль”нинг янги дарвозабони “Олтин тўп”ни ким олиши кераклигини айтди   12 08:38Coca-Cola Ўзбекистон кубоги. Бугун чорак финал старт олади  21

Жавоҳир Эсонқулов: "Навбаҳор" билан ҳақиқий "жанг" бўлди" Янгиликлар

Жавоҳир Эсонқулов: "Навбаҳор" билан ҳақиқий "жанг" бўлди"

Мухлислар яхши билишадики, янги мавсум олдидан "Қўқон-1912" сафига бир қатор футболчилар келиб қўшилишди.

Ана шундай ўйинчиларидан бири Жавоҳир Эсонқулов. “Водий дербиси”да яхши таассурот қолдирган ушбу футболчи билан қисқача суҳбатда бўлдик.

– Аввало, "Қўқон-1912" оиласига хуш келибсиз. Жамоага мослашиб олдингизми?

– Ассалому алайкум. Жамоага тезда мослашиб олдим. Футболчилар ҳаммаси бир-бири билан аҳил. Жамоада мени яхши кутиб олишди. Мураббийларимизнинг муносабатлари ҳам жуда яхши. Қўқонлик мухлисларга ҳам саломларимни етказинг.

– "Навбаҳор"га қарши ўйин ҳақида фикрларингиз.

– Ўйин ҳақиқий “дерби”га хос шиддатли ва кескин курашлар остида ўтди. Майдонда ҳақиқий “жанг” бўлди. Ҳар икки жамоада ҳам ғалаба қозониш имконияти бор эди. Ўйиндан завқ олдим. Футбол пайтида дўст, машҳурлик деган нарсалар бўлмайди. Майдонда ҳамма бир хил. Майдонга тушганимда фақат рақибларнинг формасига қараб ажратаман. кимга қарши ўйнаётганлигимни аҳамияти йўқ. Қайсидир юлдуз футболчини борлиги мени чўчитмайди.
Ўйиндан тугаганидан кейин наманганлик мухлисларнинг қилган ҳаракатлари бизга ёқмади. Бу футболчиларга бўлган ҳурматсизлик деб биламан. “Навбаҳор” юта олмаса бизда айб эмаску. Ўз футболчиларидан норози бўлишсин, рақибдан эмас.

– Ўз ўйинингиздан қониқдингизми?

– Ўйинимдан бироз қониқдим. Чунки, бир йиллик танаффусдан кейин яна майдонга тушдим ва ўзимни кўрсатишга ҳаракат қилдим. Бир йил жароҳатимни тиклашга мажбур бўлдим. Агар “Навбаҳор”га қарши баҳсда юзага келган иккита имкониятнинг биттасидан самарали фойдаланиб гол урганимда эди, ўйинимдан юз фоиз қониқиш ҳосил қилган бўлардим.

– Қўқонлик мухлислар сизни жамоани тарк этган адашингиз Жавоҳир Сидиқовнинг ўрнини билинтирмайди деб ишонишмоқда. Ўзингиз нима дейсиз бу фикрга?

– Мухлислар ишонч билдираётган экан, уларнинг ишончини оқлашга ҳаракат қиламан. Жавоҳир Сидиқов Ўзбекистоннинг яхши футболчиларидан бири. У киши билан яқин қадрдон, ака-укадекмиз. Сидиқовга қарши бир неча бор ўйнаганман. Мухлислар ишончини оқлашга ҳаракат қиламан. Бунинг учун тинмай меҳнат қиламан.

– Сизни жамоага ким таклиф қилди? Шартномангиз қанча муддатли?

– Мени жамоага Азиз Тўхтабоев таклиф қилган. Нўъмон Ҳасанов ҳам менинг ўйинларимни кузатган. Машғулотларда астойдил ишлашга ҳаракат қиляпман. Бош мураббийимизга асосий таркибда имконият берганлари учун раҳмат айтаман, ишончларини оқлашга ҳаракат қиламан.
“Қўқон-1912” жамоаси билан тузилган шартномам ҳозирча бир йилга мўлжалланган. Яхши ўйнаб турсам, мураббийлар ва раҳбариятнинг ишончига сазовор бўлсам келажакда яна шарномани узайтирармиз деб ўйлайман.

– Қўқонлик мухлисларга тилакларингиз.

– Қўқонлик мухлислари жамоамизга жон куйдириб ишқибозлик қилишсин. Уларни уялтириб қўймасликка ҳаракат қиламиз. Биз ҳар доим мухлислар билан биргамиз. Мухлислар билан бир оила бўлишимиз керак. Қайсидир мухлисимиз мен билан учрашмоқчи бўлса , мен доим тайёрман. Биз футболчилар улар учун майдонга тушамиз. Қўқонлик мухлислар жамоамизни ёлғизлатиб қўймасликларини кўрдим. Ҳаммаси аъло даражада. Ҳамма мухлисларимизга катта раҳмат, саломат бўлишсин!

Рейтинг: -5   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг