UZ

Сўнгги янгиликлар

18:14Конте: "Менга "Ювентус"дан бирорта қўнғироқ бўлгани йўқ"  0 18:11"Локомотив" эртага легионер ҳужумчини ҳам таништиради  1 18:05Фарғонада болалар ўртасида дўстлик турнири ўтказилди  0 17:45Бейлнинг агенти: "Гарет- "Реал" футболчиси ва у бахтли"  2 17:33Буни фақат Неймар қила олади. Энг ёрқин вазиятлар  5 17:30Карикатура: Роналду кетди, Бэйл кетмоқда, Бензема эса...  5 17:25Гризманн ва Де Йонгнинг дебют ўйинида "Барселона" "Челси"га мағлуб бўлди  57 17:19“Андижон” икки нафар янги футболчи билан шартнома имзолади  12 17:01Фарғонада “Ёзги таътил!” футбол мусобақаси ўтказилди  1 16:49Бир ўйин тарихи (учинчи мақола)  2 16:37Ботирали Эргашев – «Динамо»нинг 1-даврадаги энг яхши футболчиси!  3 16:36"Барселона"нинг иқтидорли футболчиси клубни тарк этди. Унинг агенти Мино Райола  9 16:34"Пахтакор-79"ни хотирлаб: Юрий Загуменних  1 15:51Андрес Иньеста Ла лига элчисига айланди  2 15:20Николя Пепе яқин вақт ичида "Лилль"ни тарк этади  8

Жафар Ирисметов: «Аякс»дан ўрганадиган жиҳатларимиз кўп экан» Янгиликлар

Жафар Ирисметов: «Аякс»дан ўрганадиган жиҳатларимиз кўп экан»

«Сўғдиёна», «Қўқон-1912», «Металлург», «Пахтакор» ҳамда «Қизилқум» жамоалари техник директорлари ­Амстердамга сафар уюштириб, «Аякс» клуби академиясининг иш фаолияти, селекция жараёни билан яқиндан танишишди.

Биз сафар таассуротлари юзасидан «Пахтакор» спорт директори Жаъфар Ирисметов билан боғланиб, ундан интервью олдик.

- Жаъфар ака, ушбу сафар ким томонидан ташкил қилинди? Ўзбекистондан кимлар борди?

- Голландия сафари Ўзбекистон футбол ассоциацияси ҳамда «Пахтакор» клуби бош мураббийи Шота Арвеладзе ташаббуси ва ҳамкорлигида амалга оширилди.

Унда «Сўғдиёна» клуби президенти Ўктам Маҳмуджонов, «Қўқон-1912» жамоаси вице-президенти Бахтиёр Толипов, «Қизилқум»дан Фарҳод Нуруллаев ҳамда «Металлург»дан Шавкат Саидовлар ҳам Голландияда бўлиб қайтишди.

- Сафардан кўзланган асосий мақсад нима эди?

- «Аякс» академияси фаолияти билан яқиндан танишиш, ушбу клубда болалар футболига қаратилаётган эътибор, машғулотларнинг ўтказилиш жараёнига бевосита гувоҳ бўлишдан иборат эди. Ўйлайманки, ҳар биримиз бу сафардан ўзимиз учун катта фойда олдик ва ўрганганларимизни амалиётга татбиқ этамиз.

- «Аякс» клуби ўзининг болалар футболига эътибор қаратиши билан машҳур. Ўзингиз ҳам бунга гувоҳ бўлдингиз. Биздаги болалар футболига муносабат, ўтказиладиган машғулотлар билан таққослаганда, фарқ сезиларли даражада каттами?

- Ҳа, аксарият йўналишларда биздан яхшигина ўзиб кетишган. Биринчи галда академияда болаларнинг футбол билан шуғулланиши учун яратилган шароитларни айтиш керак. «Аякс» академияси жуда катта ҳудудни эгаллаган экан. Майдонларнинг сифати алоҳида мавзу. Бундай шароитларда шуғулланган болалардан ёмон футболчи чиқмаслиги турган гап.

Агар биз ҳам академия ва футбол мактабларидаги шароитларни нормал ҳолатга келтира олсак, биздан ҳам истеъдодли футболчилар етишиб чиқади. Афсуски, ҳозир академиялар фаолияти, футбол мактабларимиз билан мақтана олмаймиз.

- Бизда мураббийлар маош кам деб нолишади ва бунинг натижасида қўшимча гуруҳларни ташкил қилишади. Бунинг натижасида сифат тушиб кетади. Сўрамоқчи бўлганим, «Аякс» академиясининг битта гуруҳида шуғулланадиган болалар сони қанча экан?

- Ҳар бир гуруҳда камида 18, кўпи билан 20 нафар бола бўлиб, ёш футболчиларнинг умумий сонини 200дан оширишмас экан. Ҳар бир тарбияланувчининг истеъдодини максимал даражада юзага чиқаришга жиддий эътибор қаратилади. Тест синовлари ҳам қатъий талаблар асосида ўтказиларкан.

«Аякс» академиясида ишлаётган мураббийлар катта маош олишади. Сиз айтгандек, иккинчи ёки учинчи гуруҳларни ташкил қилиш ҳақида ўйлашмайди ҳам. Бор эътиборларини ёш футболчиларни тарбиялаш ва «Аякс»нинг бош жамоасига етказиб беришга қаратишади.

- Қабул неча ёшдан бўлар экан? Бошқа давлатлардан ҳам ёш футболчиларни шартнома асосида қабул қилишадими?

- Саккиз ёшдан қабул қилинади. Бола 17 ёшга тўлгунигача академияда футбол сирларини ўрганади ва истеъдодлилари кейин асосий жамоага ўтказилади. Бошқа давлатлардан фақат энг иқтидорли болаларгина «Аякс» академиясида таҳсил олиш имкониятига эга бўлишади.

Лекин бундай футболчилар сони кам, чунки Голландиянинг ўзи истеъдодларга бой. Асосан Амстердам ва унга яқин шаҳарлардан болаларни қабул қилишади. Бу ерда селекция хизмати аъло даражада ишлайди.

- «Аякс»дан ташқари бошқа клубларда ҳам бўлдингларми?

- Йўқ. Чунки Амстердамга сафаримиз уч кунга мўлжалланганди. «Аякс» клубининг ЕЧЛ доирасидаги «Штурм» жамоасига қарши ўтказган ўйинини бевосита стадиондан томоша қилдик ва  эртаси куни Ўзбекистонга қайтиб келдик.

- Сафардан олган умумий таассуротларингиз ўйлаганингиздан ортиқ бўлдими? 

- Таассуротлар аъло даражада. Лекин икки кун жуда кам муддат экан. Шунга қарамай, максимал даражада ўрганишга ҳаракат қилдик. Шахсан ўзим футболчиларнинг ўтиш даврида кўзга ташланадиган муҳим жиҳатларини ўргандим ва энди "Пахтакор" машғулотларига 2-3та ўзгартириш киритамиз.


Манба: "Интерфутбол" газетаси

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг