Ушбу жангда ҳамюртимизга венесуэлалик Чарли Наварро рақиблик қилди.
10 раундга мўлжалланган жанг муддатидан олдин якунланди. 6-раундда боксчимиз аввалига рақибини нокдаун ҳолатига туширди. Бир неча сониядан сўнг кучли зарба эвазига рақибини рингга қулатди ва нокаутга учратди.
Қайд этиш лозимки, ушбу жанг WBA Eleminator мақомида эди. Энди Мадримов WBA Super ёки WBA Regular камарларидан бирига мажбурий даъвогарга айланди.
Эндиликда Мадримовнинг проф боксда ўтказган жанглари сони 5тага етди. У жангларининг барчасида нокаут эвазига рақибларини мағлуб этган.
