UZ

Сўнгги янгиликлар

10:05ЎФФ президенти "Реал" - "Депортиво" ўйинига таклиф қилинди  0 10:00Умид Аҳмаджонов "Реал Мадрид" клуби раҳбарияти билан учрашиш учун Испанияга учиб кетди  5 09:59"Насаф" расмий сайти Славко Лукич келганини тасдиқлади  3 09:54Бугун намойиш этиладиган футболга оид кўрсатувлар жадвали (Setanta Sports, Спорт ТВ, Матч ТВ, Футбол ТВ)  3 09:48“Бавария”да низо. Хамес ва Руди ўртасида келишмовчилик юз берди   5 09:38Забиҳилло Ўринбоев: “Ушбу ғалаба орқали тарихни янгилай олдик”  12 09:35Одилжон Ҳамробеков: “ЎФФ президентининг мурожаатномасини эшитдик. Бу футболчиларнинг кайфиятини кўтарди”  5 09:29Ўзил жароҳатидан тузалиб, “Арсенал” машғулотларига қайтди  0 09:16Жейми Каррагер Арсен Венгернинг ўрнига идеал номзод ким эканлигини маълум қилди  3 09:00“Манчестер Сити” ўйинчиси жароҳат олди  1 08:51Матлуба Мустаевани табриклаймиз!  9 08:44“Вест Хэм” Чичаритони сотишга тайёр  1 08:18Ва ниҳоят улар келишиб олди. Рафинья “Интер”га ўтади   8 08:03“Тоттенхэм” Малком учун курашда “Арсенал”ни ортда қолдирди   3 07:44Тео Уолкотт: “Арсенал”ни бундай тарк этаман деб ўйламагандим   6

Ислом Аҳмедов: Хатоларни вақтида бартараф этмоқ лозим Янгиликлар

Ислом Аҳмедов: Хатоларни вақтида бартараф этмоқ лозим

Хабарингиз бор, бугун миллий терма жамоамиз Пахтакор марказий стадионида ОЧ-2015 саралашидаги навбатдаги ўйинини Вьетнам терма жамоасига қарши ўтказади.
Учрашувдан олдин бир қатор мутахассисларнинг фикрлари билан қизиқдик. Навбатдаги суҳбатдошимиз, ОФК инструктори, таниқли мураббий Ислом Аҳмедовдир.

- championat.asia сайтига бефарқ эмасман. Ҳар куни ушбу сайт орқали янгиликлардан хабардор бўлиб бораман. Фурсатдан фойдаланиб, сизларни ҳам Ийд Қурбон Хайит байрами билан табриклайман, - дея дастлабки фикрларини баён этди Аҳмедов.

- Ҳа, бугун миллий жамоамизнинг муҳим ўйини бор. Бугун мени Спорт ТВга ҳам таклиф этишди. Шунинг боис учрашувдан олдинги кўрсатувда у ерда бўламан. У ерда бир қатор долзарб мавзулар юзасидан фикрларни олға суришни ўйлаб турибман. Насиб қилса, ТВда кўрасизлар.

- Нима дейиш мумкин, бугун албатта миллий терма жамоамиздан фақат ғалаба кутамиз. Гуруҳимиздаги вазият қониқарли даражада эмас. Шунинг учун фақат ютиш керак.  Йигитларга омад тилайман.

- Биласизми, мени бугунги кунда бир нарса хавотирга солмоқда. Яъни Иорданияга ўз уйимизда имкониятни бой берганимиздан кейин орадан бир ой ўтди. Афсуски мен ҳеч қаерда бирор-бир мутахассиснинг йўл қўйилган хатолар устидаги таҳлилини эшитмадим ҳам кўрмадим ҳам. Бир ой муддат бу жуда кўп. Бу вақт давомида қаерда хатога йўл қўйдик ва уни қандай бартараф этиш лозимлиги хусусида ўйлаб кўриш учун етарли фурсат эди. Бу ҳақда ҳеч ким ҳеч нима демади. Йўл қўйилган хатолардан кўз юммасдан, уни вақтида бартараф этмоқ лозим.

- Шунингдек миллий терма жамоамизнинг жиддий бир ўртоқлик ўйинида иштирок этмагани ҳам мени ажаблантирди. Тўғри, Вьетнам у қадар жиддий рақиб бўлмаслиги мумкин. Лекин биз улар учун эмас ўзимизни ўйлаб иш тутишимиз керак. Демоқчиманки, кейинчаликни ҳам ўйлаш жоиз. Майли бунга жиддий эътироз қилмайлик. Лекин Иордания билан ўйин руҳан, асабий якун топди, биз учун. Узоқ йиллардан буён кутган орзуимиз амалга ошмади. Шундай бўлганидан кейин жамоани йиғиш керак эди. Эътибор беринг миллий терма жамоамиз жиддий бир ўртоқлик ўйинида иштирок этмади. Бу каби синов-назорат баҳсларини тез-тез ўтказиб туриш лозим. Вьетнам оддий рақиб деймиз, улар биз билан ўйинга пухта тайёргарлик кўриш учун, иккита назорат-синов учрашувини ташкил этди. Хаттоки бу жамоа Қатар миллий терма жамоаси билан ҳам ўзаро ўйин ўтказишни уддасидан чиқди.

- Мен ҳар доим, интернет сайтларида мухлислар фикрлари билан ҳам қизиқиб, уларни ўқийман. Иордания билан ўйиндан сўнг кўплаб мухлислар сайтларда ўз фикрларини қолдирди. Аммо мутахассислар ва миллий терма жамоадаги ишларга масъул бўлганлар бу борада четда қолди. Шу хусусда бугун ТВда гапиришни ўйлаб турибман. Нега деганди бу бу борада нафақат мухлислар балки мутахассислар гапириши керак. Ҳозир бунга эътибор қаратмасдан, тинчига кўз юмсак, бу Ўзбек футболи учун келажакда катта зиён келтиради. Ўзимиз учун тўғри йўлни танлаб олишимиз керак.

- Эътибор берган бўлсангиз, ОЧЛда иштирок этаётган жамоаларимизнинг бу мусобақадаги иштироки йилдан-йилга пасайиб бормоқда. Биз ҳозир авлодлар алмашинувини қилиб, ёшларни миллий терма жамоа таркибига жалб этишимиз керак деб бонг уряпмиз. Ўша ёшларимиз терма жамоадан қайтиб келиб, қаёққа боради?! Ўзимизни миллий чемпионатга?! Тўғрими? Ўзимизнинг ички чемпионатимиз савияси қандай ҳозир?!  Шу боис у ёшлардан олий лигамиздан терма жамоага келганида нима кутишимиз мумкин? Шу каби саволларга мутахассислар жавоб бериши керак! Нега деганда, футболимиз раҳбари биз учун бугунги кунга келиб, барча шароитларни қилиб берди. Бундай имконият олдин ҳеч қачон бўлмаган. Демак, саволларга ўша мутахассислардан жавоб олиш керак. Мираброр Зуфарович барча терма жамоалар учун кенг имкониятлар ва кулай шароитларни яратиб берди. Натижани эса иш юритувчи мутахассисларимиздан сўрашимиз керак! Шуниси менга ёқмади. Агар ҳозир камчиликдан кўз юмиб кетадиган бўлсак, кейин яна бу нарса бир кун қайтиб келиши мумкин. ЎФФ президенти келажакни ўйлаб, тўғри йўналишни танлаган холда, замонавий фикрламоқда. Лекин кечирасиз, ижрочилар ҳақида бундай дея олмаймиз. Ишлаб ўзингни кўрсат, ёки бўшат жойни! Шунақа бўлиши керак! Майли ҳеч нима йўқ бўлсин. Лекин бугунги кунда ишлаш учун ҳамма нарса бор. Футбол бу бизнес ва сиёсатдир. Бизнесда ишни амаллай олмадингми, жойни бўшат, бошқаси келсин қабилида иш юритилади.

Бизда ҳозир ютқаздингми, бўлди ўша омадсиз ўйин тезда унутилиб, эътиборни кейинги ўйинга қаратилади. Бугун қайсидир сайтда ўқиб қолдим. Унда битта мухлис, бугун Вьетнам билан ўйин, майли ўтган ишларни унутиб, келажакдаги учрашувларни ўйлайлик деган мазмунда фикр қолдирган. Иэ, бу қанақаси?! Бу қачонгача давом этади?! Мана орадан бир ой ўтди, ўтган ўйин ҳақида ҳеч ким бирор нима демади. Йўқ, йўл қўйилган хатоларни ўзимиз учун вақтида керакли хулоса чиқариб олишимиз керак.

- Бир нарсани тўғри тушунинг, хукуматимиз раҳбари футбол учун жуда катта пул сарфлади. Ўсмирлар ва ёшлар терма жамоаларимиз кичик жаҳон чемпионатларига бежизга чиқаётгани йўқ. Бундай холатлар илгари бўлмаган. Ёшлар терма жамоаларимиз чет элга чиқиб, кучли рақиблар билан ўйнаб тажрибаларини ошириб келишмоқда. Ўша ёшларимиз ёки ўсимирларимиз бироз улғайиб, миллий чемпионатимизда ўйнайдиган даражага етганидан кейин, нима бўлади? Бу ҳақда бир нима дейиш қийин. Ҳамма ҳозир уч очко олишни биринчи ўринга қўйган.

- Стадионларимизни қаранг, трибуналар ҳувиллаб ётибди. Илгари жамоаларимизда пул йўқ пайтда, стадионлар мухлислар билан тўлиб тошарди. Статискани қўлга олиб, охирги йилдаги чемпионат ўйинларидаги томошабинлар ташрифини кўринг... Жуда ачинасиз. Пул бор, ўйин йўқ, энг асосийси ашаддий ишқибозлар ҳам йўқ! Мухлсиларни алдаб бўлмайди. Майли жамоангиз ютқазсин. Футболда ҳеч бир жамоа ҳамма ўйинни юта олмайди. Лекин ўйин сифати ва унинг кўрки зўр чиқса, томошабинлар бундан ранжимайди. Ҳозир фанатлар стадионга бормай қўйди. Кўрасиз, бугун миллий терма жамоамизнинг ўйинига ҳам у қадар кўп томошабин бормайди.

- Шунинг учун ҳар доим хатолардан кўз юмиб кетмасдан, ўзимиз учун керакли хулосаларни чиқариб олишимиз керак. Агарда буни беэътибор қолдирадиган бўлсак, савиямиз янада тушиб кетади.   
 
- Бу ерда 1-2та киши ҳақида гап кетмаяпти. Биз бутун Ўзбек футболини ўйлашимиз керак. Бу жуда ҳам ачинарли холат. Савиямиз пасайиб кетмоқда.

Жаҳонгир Мирзо ёзиб олди.
Рейтинг:    

Фикрлар

championat.asia
< сўнгги янгиликларни кўриш

Энг яхшилар

Ярим финал муборак! Ярим финал муборак!
Хитойда давом этаётган U-23 Осиё чемпионати доирасидаги Япония U-23 - ...  574
Қозоғистонда ҳалок бўлган ҳамюртларимиз яқинларига таъзия билдирамиз Қозоғистонда ҳалок бўлган ҳамюртларимиз яқинларига таъзия билдирамиз
Бугун, 18 январь куни Қозоғистоннинг Ақтобе вилояти Иргиз туманида...  168
Ўзбекистон терма жамоасига ким келади? Кейруш ёки ван Марвейк? Ўзбекистон терма жамоасига ким келади? Кейруш ёки ван Марвейк?
Айни кунларда Ўзбекистон миллий терма жамоасига ким бош мураббий...  131
Умид Аҳмаджонов: "25 январда ЎФФнинг навбатдан ташқари конференациясини ўтказамиз" Умид Аҳмаджонов: "25 январда ЎФФнинг навбатдан ташқари конференациясини ўтказамиз"
Ўзбекистон Миллий олимпия қўмитаси президенти этиб сайланган Умид...  127
������.�������

CA ни Facebook да ўқиш
учун "Yoqdi"ни босинг