Игорь Сергеев: "Машғулотларга қайтдим, лекин…"

Куни кеча "Патум" матбуот хизмати ўзбекистонлик футболчи майдонда шуғулланаётган суратларни ижтимоий тармоқларга жойлади.

Championat.Asia сайти Игорь билан боғланди ва жароҳатдан кейинги тикланиш қандай кечаётгани ҳақида сўради:
"Ҳозирча майдонга қачон қайтишимни аниқ айта олмайман. Ҳозир мураббий ва тиббий штаб менинг ҳолатимни кузатмоқда. Ҳа, машғулотларга қайтдим, аммо жамоа билан фақат бошқа футболчи билан контакт бўлмайдиган машғулотларни бажаряпман холос. Тўп билан ишлай бошладим. Жамоа билан шуғуллангач, индивидуал машғулотларга бораман", - деди Игорь Сергеев.

Маълумот учун, Игорь Сергеев январь ойида Қатарда ўтган Осиё кубоги доирасидаги Австралияга қарши баҳсда жиддий жароҳат олганди ва Доҳадаги "Аспетар" шифохонасида оёғини операция қилдирган эди.