Ибрагимович мавсум сўнгига қадар “Милан”да қолади

“Милан” спорт директори Рики Массара сўзларига кўра, 30 июнда клуб билан шартномаси якунига етадиган футболчилар билан мавсум сўнгига қадар шартнома узайтирилади. Ушбу футболчилар рўйхатида Златан Ибрагимович, Лукас Билья, Жакомо Бонавентура, Симон Кьяер, Алексис Салемакерс ва Асмир Бегович бор.

“Ибра — чемпион. Жамоа у келганидан сўнг сезиларли даражада кучайди. Мавсум якунида ўтириб, вазиятни муҳокама қилишимиз керак. Шу жумладан, унинг режаларини ҳам. У қийин даврда “Милан”га ёрдам беришни хоҳлади. Ибрагимовичдек ўйинчининг ҳар қандай жамоага ёрдами тегиши сир эмас. У феноменал ўйинчи”, — дейди Массара.