Eshitdik-da: Oliy liganing yetakchi klublari halol futbol borasida kelishib olishgan

Narzulla Saydullayev
13 mar 2015, 15:35
Oliy liganing 1-turidan o'rin olgan dastlabki ikki o'yindayoq sensaciya guvohi bo'ldik. Poytaxtning ikki grandi Toshkent viloyati jamoalari bilan ochkolarni bo'lishdilar.
Bizga ma'lum bo'lishicha, bu yil oliy ligada kelishilgan o'yinlarga qarshi jiddiy kurash olib boriladi. Bu borada Mirabror Zufarovich ham o'zlarining so'nggi so'zlarini aytib o'tdilar:
- Kim shunday ish qilsa, butun umrga futboldan chetlataman!

Aytishlaricha, oliy ligada yuqori o'rinlar uchun kurash olib boradigan jamoalar va OCHL uchun harakat qiladigan klublar bundan buyon oliy liga ravnaqi yo'lida to'g'ri o'ynashga vada berganlar. Vadani erkak kishi beradi, vadaga xiyonat esa nomardning ishi bo'ladi.

Shunday ekan, klublarimizning barchasi o'z vadasida turishlarini istagan bo'lardik. Ammo pastki o'rinlarda yuradigan jamoalar bunga qanday qarashlari hozircha ma'lum emas. Aynan pastki zonalarda yuradigan jamoalar, bugungi kunda urf bo'lgan "uchga uch" uslubidan foydalanadilar. Yani, o'z maydonida g'alaba qozonib, safarda mag'lubiyatga uchrab berish.

Narzulla SaydullayevMuallif
Manba: championat.asia