UZ

Сўнгги янгиликлар

08:39Olamsport: Отабек Умаров Ўзбекистондаги ММА ҳақида, Нодирбек Магнус Карлсендан ўтиб кетди ва бошқа хабарлар  0 08:36Бугун 16:45. Сингапур - Ўзбекистон  6 08:30“Интер” Хандановичга ўринбосар излашни бошлади   0 08:09“Атлетико”га ПСЖ ҳужумчиси керак   0 07:58Евро-2020 саралаши. Франция - Туркия 1:1  0 07:53Евро-2020 саралаши. Украина - Португалия 2:1  4 07:50Бэйл бир қарорга келди   1 07:48Евро-2020 саралаши. Болгария - Англия 0:6  1 07:43Ўртоқлик учрашуви. Чехия - Шимолий Ирландия 2:3  0 07:40Украина—Португалия учрашуви статистикаси билан танишинг   1 04:06"Championat.asia"да "Гол завқи" : Криштиану Роналду ижросида (1-сон)  12 03:31"Абрамов армияси", камгап Муҳитдинов ва сақич чайнаш тақиқланган Сингапур. Сафардаги дастлабки кунимиз ҳақида  23 02:02Даврон Файзиев: "Сингапурни аутсайдерлар қаторига қўшишингиз мумкин, аммо..."  23 01:55Шевченко шогирдлари ҳам Евро-2020 йўлланмасини қўлга киритишди  12 01:40Евро-2020 саралаш. Украина бир киши кам бўла туриб, Португалияни мағлуб эта олди  38

Доҳадаги меҳмонхонада юз берган бахтсиз ҳодиса юзасидан "Локомотив" ПФК матбуот хизмати баёноти Янгиликлар

Доҳадаги меҳмонхонада юз берган бахтсиз ҳодиса юзасидан "Локомотив" ПФК матбуот хизмати баёноти

10 мартдан 11 мартга ўтар кечаси "Локомотив" истиқомат қилаётган Қатар пойтахти Доҳа шаҳридаги "Wyndham Grand Regency" меҳмонхонасида ёнғин юз берди.

Ёнғин меҳмонхона биринчи қаватидаги қаҳвахонада чиққан. Кечаси тахминан соат 00дан (12дан) 15-20 дақиқа чамаси вақт ўтганда бутун меҳмонхона бўйлаб "тревога" бошланди. Меҳмонхона хизматчилари "Fire" (Ёнғин!) деб бақириб ҳар бир хона эшикларини тақиллата бошлашди. Маълумки, Доҳадаги вақт Тошкентдаги вақт билан икки соат фарқ қилади. Яъни, бу пайтда Тошкентда соат тунги иккидан ўтган бўлган. 

"Локомотив" кеча, яъни 10 март куни тушга яқин Тошкентдан Доҳага учиб келгани ҳамда кечки пайт ўйинолди расмий машғулот ўтказгани сабаб жамоа аъзолари чарчашганди. Шу боис кечки овқат тановул қилиб бўлингач, ҳамма ўз хонасига йўл олди. Кейин эса юқорида айтиб ўтганимиздек, қий-чув бошланди. Қаҳвахонада ёнғин чиқиши оқибатида меҳмонхонада истиқомат қилаётганлар имкон қадар тезкорлик билан эвакуация қилинди. 

Биз кўчага чиққанимизда аллақачон ўт ўчириш ҳамда полиция машиналари етиб келган, махсус ишчилар ёнғинни ўчириш билан овора эдилар. Меҳмонхонадан эвакуация қилинган одамлар узоқ вақт кўчада туриб қолишди. "Локомотив" ПФК аъзолари талвасага тушмасдан ўзларини профессионал тутишди. Тўғри, деярли ҳамманинг нарсаси ичкарида қолганди, лекин бундан ҳеч ким жазавага тушмади. Барча бир жамоа бўлиб керак бўлса, шу меҳмонхонада яшаётган бошқа одамларга ёрдам беришга ҳозир турди. 

"Локомотив" бугун ОЧЛ 2-тур доирасида "Ал Райан" клубига қарши майдонга тушади. Ўйлаймизки, рўй берган нохуш ҳодиса футболчиларимиз кайфиятига салбий таъсир кўрсатмайди ва жамоа бугунги ўйинда бор кучи билан ҳаракат қилади. Кеча тунда юз берган ёнғин сабабли бутун жамоа икки соатдан кўпроқ вақт мобайнида кўчада турди. Шундан сўнг жамоа аъзолари унча узоқ бўлмаган "The Avenue – A Murwab Hotel" меҳмонхонасига жойлашишди. 

Халқимимизда ўт балоси, сув балосидан асрасин деган гап бежизга айтилмаган. Бу - ҳаёт, унда ҳар нарса содир бўлиши мумкин, лекин энг муҳими ҳар қандай вазиятда хотиржамликни сақлаб қола билишдир. "Локомотив" кеча тунда юз берган воқеа сабаб туннинг ярмини кўчада ўтказишга мажбур бўлди. Доим қатъий режимга амал қилувчи футболчилар кун тартибида узилиш рўй берди, шунга қарамай ҳеч ким ўзида мужассам профессионалликни йўқотиб қўймади. Нима ҳам дердик, бу ҳам жамоанинг бошида бор экан, энг муҳими эса ҳаммамиз соғ-омон қолганимизга шукур қилайлик. 

Хайрулла Холиқов, "Локомотив" футбол клуби матбуот котиби.

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг