- Saudiya Arabistoniga qarshi o'yin qanday o'tdi?
- O'yin yaxshi bo'ldi. Kutganimizdek qiyinchilik bo'lmadi va g'alabaga erishdik. Endi ikkinchi o'yinga tayyorgarlik ketmoqda.
- Saudiya Arabistoniga qarshi o'yinda jamoa 5talik himoyachi bilan o'ynadi. Bu yil "Paxtakor" ham shunday o'ynamoqda. Bu sizga qanchalik yordam berdi.
- Professional futbolchiga to'rttalikmi beshtalikmi, buning ahamiyati yo'q deb o'ylayman. Murabbiy qanday vazifalar bersa, shuni bajarishga harakat qilamiz.
- Saudiya Arabistoni hujumchilari bizga katta qiyinchilik tug'dira olmadi degan fikr bor. O'yinning ichidagi futbolchi sifatida nima deya olasiz?
- Ha, unchalik qiyin bo'lmadi. Raqibni o'rgangandik. Shukur, o'yin engil bo'ldi.
- Oldinda Yaponiyaga qarshi o'yin bizni kutib turibdi. Bu bahsdan nima kutyapsiz?
- Bu uchrashuvga ham g'alaba uchun chiqamiz. Ularning Saudiya bilan o'yini bor. Lekin bu bizga qiziq emas. O'z o'yinimizga tayyorgarlik ko'rib, g'alaba uchun chiqib, muxlislarni xursand qilishga harakat qilamiz. Uchrashuvga kelinglar, qo'llab-quvvatlashsin, xudo xohlasa xursandchilik bo'ladi.
Eslatib o'tamiz, uchrashuv 28 iyul kuni soat 20:00da start oladi.
