Футболчилар автобусда уйга қайтишаётган эди. Йўлда ЙТХ содир бўлди. Воқеа натижасида етти нафар футболчи жиддий жароҳат олди, ярим ҳимоячи Йосеф Шураль эса шифокорлар уринишига қарамай касалхонада вафот этди. Клуб футболчининг оиласи ва яқинларига ҳамдардлик билдирди.
Шураль шу йили "Аланяспор"га ўтди ва жамоа таркибида Туркия чемпионатининг 9та ўйинида майдонга тушиб, 1та гол уришга муваффақ бўлди. Йосеф 2013 йилдан буён Чехия терма жамоасига чақирилаётган эди.
