Bugun Qo'qonda Bahrom Hakimovning 60 yillik yubileyi nishonlanadi

Narzulla Saydullayev
16 mar 2015, 15:16
25 fevral kuni taniqli murabbiy Bahrom Hakimov o'zining qutlug' 60 yoshini qarshi oldi.
2000 yilda O'zbekistonning eng yaxshi murabbiyi deb topilgan Bahrom Mamajonovichning yubileyi bugun Qo'qon shahrida katta tantana sifatida o'tkaziladi.

Qo'qon shahridagi "O'zbegim" restoranida murabbiyning qutlug' yoshi nishonlanadi. Takidlash lozimki, Hakimovning shogirdlari ushbu tadbir o'tkazilishida katta xissa qo'shishdi.

Bahrom Hakimov boshchiligidagi "Nasaf" klubi 2000 va 2001 yillarda O'zbekiston chempionatining bronza medalini qo'lga kiritdi. 2003 yil murabbiy "Nasaf"ni O'zbekiston kubogi finaliga olib chiqqan. 2001 yilda esa "ajdarlar" bilan birga Osiyo Chempionlar kubogi yarim finaliga qadar yetib borgan.

Biz saytimizning xodimlari va muxlislari nomidan Bahrom Mamajonovichni yubileyi bilan qizg'in tabriklab qolamiz!

Narzulla SaydullayevMuallif
Manba: championat.asia