Bu esa ularga qo'l kelmoqda, ayniqsa Rasul Shuhratov, Sanjar To'raqulov, Doniyor Usmonov singari o'z vaqtida “Bunyodkor” yoshlar jamoasida malaka oshirgan futbolchilarning foydasi katta bo'layotganini alohida aytib o'tishimiz joiz.
Har holda “Obod”ni birinchi bosqichda 3-o'ringa ko'tarilishini o'zi bo'lmaydi. Bu jamoa mavsumning birinchi qismida hamma jamoadan ochko olgani bilan ham e'tiborimizni tortdi. Hattoki oliy ligaga chiqish uchun kurashayotgan “Qo'qon-1912” va “Oq-tepa” ham aynan “Obod”ga qarshi o'yinlarda qimmatli ochkolarni boy berdi. Liganing doimiy ishtirokchisi “NBU-Osiyo”ni esa ikki o'yinda ham mag'lub eta olgan.
Bundan ko'rinib turibdiki, jamoada ish to'g'ri yo'lga qo'yilgan. Dastlabki mavsumning o'ziga buni ijobiy natija deb baholadik.
Ko'ramiz, ikkinchi bosqichda ham “Obod” o'zini ko'rsata olarmikin?
Toshkentliklar o'tkazilgan 22ta o'yinda raqiblari darvozasini 37 bor aniq nishonga ola bildi. Jamoa safida eng ko'p gol urgan futbolchi esa Rasul Shuhratov bo'ldi. 22 yoshli hujumchi o'z hisobiga 9ta gol yozdirib qo'yishga erishdi.
Birinchi bosqichda “Obod” darvozasini qo'riqlagan Bekzod Omonullaev bilan Viktor Mochalov o'z darvozalaridan 27 marotaba to'p olib chiqishga majbur bo'lgan.
Kim qancha gol urdi?
Futbolchi | Gol | Pen. |
Rasul Shuhratov | 9 | (3) |
Sanjar To'raqulov | 7 | (2) |
Doniyor Hasanov | 3 | |
Baxtiyor Qosimov | 2 | |
G'ayrat Umirov | 2 | |
Javlon Iskandarov | 2 | |
Umid Boqiev | 2 | |
Sherzod Jalilov | 2 | (1) |
Bilol Toshmirzaev | 1 | |
Dilshod Umarxonov | 1 | |
Karim Nurmatov | 1 | |
Linar Abdurafikov | 1 | |
Mirzohid Mirsaidov | 1 | |
Umid Matmusaev | 1 |
Quyida jamoaning birinchi bosqichda qayd etgan natijasi bilan batafsil tanishish imkoniyatiga ega bo'lasiz.
O'yinlar | 22 |
Gollar | 37 |
Uyda | 20 (54,05%) |
Safarda | 17 (45,95%) |
O'tkazib yuborilgan gollar | 27 |
Uyda | 9 (33,33%) |
Safarda | 18 (66,67%) |
O'rtacha urilgan gollar | 1,68 |
O'rtacha o'tkazib yuborilgan gollar | 1,23 |
Uydagi ochkolar | 25/33 (75,76 %) |
Safardagi to'plangan ochkolar | 17/33 (51,52 %) |
Eng yirik g'alaba | 4:1 – “Istiqlol”, “UzDongJu” |
Eng yirik mag'lubiyat | 0:4 – “Paxtakor-2” |
Gol o'tkazmagan o'yinlar | 7 (31,82%) |
Gol ura olmagan o'yinlar | 5 (22,73%) |
Irodali g'alaba | 3 |
Irodali durang | 0 |
Irodasiz mag'lubiyat | 1 |
Irodasiz durang | 2 |
Yirik g'alaba | 3 |
Yirik mag'lubiyat | 1 |
Avtogol (urilgan/o'tkazib yuborilgan) | 2/0 |
Ogohlantirish (o'rtacha) | 45 (2,05) |
Chetlatish (o'rtacha) – To'g'ridan-to'g'ri/2SK | 4 (0,18) - 3/1 |
Muxlislar (jami/o'rtacha) | 17565/798 |
Islombek RUSTAMBEKOV tayyorladi.