"Барселона" янги "Камп Ноу"да илк ўйинини қачон ўтказиши маълум бўлди

"Барселона" 2,5 йил ичида биринчи марта "Камп Ноу"да ўйин ўтказади.

Каталония клуби 22 ноябр куни Ла Лиганинг 13-турида "Атлетик"ни қабул қилади. Учрашув Тошкент вақти билан 20:15 да бошланади.

"Кўк-анорранглилар" 2023 йил май ойидан буён ушбу стадионда ўйнамаган. Асосий арена реконструкция қилинган вақтда ўйинлар "Олимпик Льюис Компанис" ва "Эстади Йохан Кройфф"да ўтказилган.

"Барселона" 13-тур доирасидаги "Атлетик"га қарши учрашув шанба куни ниҳоят "Spotify Камп Ноу"да бўлиб ўтишини маълум қилади.

Бу қарор 1B босқичига мос келувчи лицензия олингандан кейин қабул қилинди. У сиғимни 45 401 томошабингача ошириш ҳуқуқини беради. Бу рухсатнама бутун ён трибунасига тааллуқли бўлиб, аввалроқ 1A босқичи учун берилган, жанубий дарвоза ортидаги трибунага тегишли лицензияни тўлдиради.

Клуб 1C босқичи устида ишни давом эттирмоқда — бу шимолий дарвоза ортидаги трибунадан тўлиқ фойдаланиш учун зарур шарт-шароит, хавфсизлик ва қулайликни таъминлашга қаратилган.

Чемпионлар лигаси борасида клуб УЕФА билан биргаликда Франкфуртнинг "Айнтрахт"ига қарши ўйинни ҳам "Spotify Камп Ноу"да ўтказиш устида иш олиб боряпти — талаблар бажарилган, аммо расмий тасдиқ ҳали олинмаган", — дейилади "Барса" баёнотида.